Napoli po përballet me një situatë të tensionuar pas humbjes së pestë të sezonit kundër Bolonas, që shënon momentin më të vështirë për trajnerin Antonio Conte që nga ardhja e tij në klub.
Konferenca e tij për shtyp tregoi se trajneri nuk qëndron pasiv, ndërsa mediat raportuan për tension në dhomat e zhveshjes dhe aludime se Conte mund të kishte paraqitur dorëheqjen.
Megjithatë, presidenti i Napolit, Aurelio De Laurentiis, në një postim në rrjetet sociale hodhi poshtë këto spekulime, duke theksuar se ka një marrëdhënie të veçantë me trajnerin dhe se Conte do të qëndrojë në klub, duke e quajtur atë një profesionist të përkushtuar dhe të sakrifikuar.
