Sulmet me armë në SHBA nuk kanë të ndalur, pas atij të oficerëve të gardës, sot një tjetër sulm ka ndodhur një qytetin e Kalifornisë kur një burrë i panjohur hapi zjarr brenda qendrës tregtare Valley Fair Mall.
Sipas njoftimit të policisë, nga të shtënat me armë zjarri janë plagosur 3 veta: një burrë, një grua dhe një vajzë 16 vjeçe.
Të plagosurit janë dërguar në spital për të marrë ndihmën mjekësore.
Sipas zëdhënësit të policisë, rreshter Jorge Garibay, incidenti nuk duket se ka pasur në shënjestër qytetarë të rastësishëm. Por dyshohet se është shkaktuar nga një grindje midis dy individëve.
