Një aksident i rëndë ka ndodhur paraditen e sotme rreth orës 10:00 në aksin rrugor Roskovec-Berat.
Si pasojë e aksidentit ka ndërruar jetë G.XH 50 vjeç, i cili ishte duke çuar me biçikletë thesin e miellit për në shtëpi
Në vendngjarje ka mbërritur policia për zbardhjen e plotë të rethanave të aksidentit.
Noftimi i policisë
Rreth orës 10:00, në aksin rrugor “Fier-Berat”, në Strum, automjeti me drejtues shtetasin Arbi Toro, është përplasur me biçikletën që drejtohej nga shtetasi Gëzim Xhoka 50 vjeç, banues në Strum.
Si pasojë e përplasjes ka humbur jetën shtetasi Gëzim Xhoka. Drejtuesi i automjetit është shoqëruar në Komisariat për veprime të mëtejshme procedurale. Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
