Një shpërthim i shkaktuar nga një bombol gazi ka ndodhur në ballkonin e një apartamenti në qytetin e Vlorës, në lagjen “10 Korriku”, në zonën e Lungomares.
Sipas zjarrfikësve, shpërthimi ka ndodhur për shkak të një defekti në mekanizmin e mbylljes së gazit të bombolës, që ka çuar në një rrjedhje dhe shpërthim të flakëve.
Si pasojë, është dëmtuar pjesërisht dhoma e apartamentit dhe ballkoni ku ndodhej bombola.
Në vendngjarje kanë mbërritur menjëherë ekipet e zjarrfikësve dhe policisë, të cilët kanë ndërhyrë për të vënë situatën nën kontroll.
Fatmirësisht, nuk ka pasur të lënduar, ndërsa dëmet kanë qenë vetëm materiale. Hetimet janë duke vazhduar për të zbardhur plotësisht shkakun e incidentit.
