E ftuar në emisionin “5 Pyetjet nga Babaramo”, deputetja e Partisë Socialiste, Sara Mila, komentoi diskutimet në Kuvend lidhur me raportin dhe çështjen e përmendur në seancë.
Ajo theksoi se debati nuk lidhet me çështje imuniteti, por me trajtimin e një rasti konkret, ndërsa shtoi se gjatë mbledhjes është diskutuar gjerësisht për raportin dhe se, sipas saj, nuk ka pasur akuza reale.
“Nuk bëhet fjalë për imunitetin, çdo përfaqësues i Kuvendit e ka fjalën vetëm për të kufizuar rastin konkret. Sot kemi diskutuar raportin gjatë gjithë mbledhjes. Nuk ka pasur një akuzë reale. Duke qenë se sot Belinda Balluku nuk ka më funksion, postet e saj janë zëvendësuar me emrat e tjerë. Duhet të hyjmë në prova që ta vërtetojmë”, u shpreh ajo.
