Komisioneri i Lartë i OKB-së për të Drejtat e Njeriut, Volker Türk, ka dënuar ashpër “retorikën nxitëse” që po shoqëron luftën në Lindjen e Mesme dhe ka paralajmëruar se sulmet ndaj infrastrukturës civile përbëjnë “krime lufte”.
Në një deklaratë zyrtare, Türk theksoi se çdo sulm i qëllimshëm ndaj civilëve dhe objekteve civile është i ndaluar sipas ligjit ndërkombëtar dhe kërkoi që ata që janë përgjegjës për krime ndërkombëtare të dalin para drejtësisë.
Ai nuk e përmendi drejtpërdrejt ndonjë palë të përfshirë në konflikt, por situata e tensionuar, që ka shpërthyer pas sulmeve të përbashkëta të SHBA dhe Izraelit ndaj Iranit, ka shkaktuar mijëra viktima dhe rrezikon të shkaktojë pasoja të mëtejshme për stabilitetin e rajonit.
