Në Pakistan kanë filluar bisedimet për t’i dhënë fund luftës midis SHBA-së dhe Iranit mbi të ardhmen e luftës. Siç raportohet nga Reuters, negociatat po zhvillohen në një kuadër trepalësh me Pakistanin që vepron si ndërmjetës.
Ende nuk është konfirmuar nëse delegacionet e të dy vendeve janë në të njëjtën dhomë apo nëse zyrtarët pakistanezë po përcjellin mesazhe midis palëve.
Pak para fillimit të kontakteve, pala iraniane vendosi dy kushte kryesore për arritjen e një marrëveshjeje: 1 ) një armëpushim të menjëhershëm në Liban dhe 2) lirimin e aseteve të ngrira iraniane jashtë vendit.
Sipas Teheranit, këto masa u përfshinë në kuadrin e një marrëveshjeje fillestare që dyshohet se u arrit më herët gjatë javës.
Nga ana e Uashingtonit, Donald Trump u shfaq i kujdesshëm, duke pretenduar se Irani “nuk ka karta të forta negociuese”, ndërsa theksoi se rihapja e Ngushticës së Hormuzit është një përparësi e menjëhershme për SHBA-në.
Në të njëjtën kohë, ai nënvizoi se parandalimi i Iranit nga blerja e një arme bërthamore është “99% e rastit”.
