Sulmuesi i Kosovës, Vedat Muriqi, vazhdon të shkruajë histori te Majorka. Me dy gola të realizuar në pjesën e parë ndaj Rajo Vajekanos, ai ka arritur të thyejë rekordin e Samuel Etos, duke u bërë golashënuesi më i mirë i klubit në La Liga, me gjithsej 55 gola.
Një arritje e jashtëzakonshme për Muriqin, i cili po tregon se është në formë të shkëlqyer, pasi me 21 gola këtë sezon është vetëm dy gola larg yllit të Real Madrid, Kilian Mbapes.
Po ashtu, ky është një moment i rëndësishëm për karrierën e tij dhe për përfaqësuesen e Kosovës, e cila ka arsye për të festuar arritjet e sulmuesit të saj.
