Presidenti turk, Recep Tayyip Erdogan, ka bërë deklarata të forta në lidhje me përpjekjet e Izraelit për të minuar procesin e armëpushimit mes Shteteve të Bashkuara dhe Iranit, duke e lidhur këtë me tensionet në Lindjen e Mesme dhe qëndrimin e qeverisë izraelite ndaj paqes.
Ai ka theksuar se Turqia është angazhuar për të ulur tensionet dhe për të siguruar vazhdimin e bisedimeve mes SHBA-së dhe Iranit, me qëllim që të sigurohet stabiliteti në rajon.
“Nëse do të ketë paqe në rajonin tonë, ajo do të arrihet pavarësisht regjimit sionist [izraelit]. Nëse arrihet stabilitet, do të jetë sërish pavarësisht qeverisë izraelite,” tha Erdogan, duke kritikuar gjithashtu sulmet izraelite në Liban dhe duke theksuar angazhimin e Turqisë për të mbrojtur të drejtat e palestinezëve dhe për të ndjekur çështjen e viktimave të sulmeve.
