Kryetari i Partisë Demokratike të Kosovës, Bedri Hamza, ka deklaruar se çështja e zgjedhjes së Presidentit është e mbyllur për PDK-në. Ai theksoi se partia e tij nuk ka votë për zgjedhjen e Presidentit, por shtoi se, nëse Kryeministri Albin Kurti arrin të sigurojë mbështetje nga deputetët e tjerë, PDK i uron sukses.
“Mundësia tjetër është që z. Kurti të sigurojë 98 deputetë të Kuvendit të Kosovës, të cilët nuk janë nga PDK-ja, dhe nëse ata arrijnë ta zgjedhin Presidentin, ne vetëm i urojmë sukses,” tha Hamza.
Ai gjithashtu nënvizoi se çështja është diskutuar dhe mbyllur në mënyrë unanime nga Këshilli Drejtues i PDK-së në takimin e ditës së sotme.
