Kreu i Partisë Demokratike Sali Berisha ka mbledhur këtë të mërkurë grupin parlamentar të kësaj force politike në prag të protestës së 8 Majit që do të zhvillohet mbrëmjen e së premtes pak ditë përpara zgjedhjeve për kryetarin e ri ku nuk pritet që të ketë surpriza.
“Ne nuk tërhiqemi, ne nuk bojkotojmë. Qëllimet e këtyre kanë qenë që ne të braktisim parlamentin. Ne qëndrojmë në pozicionin tonë duke denoncuar dhe rezulton që e drejta vonon por nuk harron. Lubi Balluku është në cdo rresht të raportin të PE-së. Goditje direkte për Ramën.
Jemi në prag të 8 majit, një ngjarje jashtëzakonisht e rëndësishme për opozitën shqiptare dhe për shqiptarët. Ndaj edhe një herë në mënyrën më të vendosur, bëj thirrje që çdo minutë, çdo orë, t’ja kushtojmë përgatitjes së këtij akti të kryengritjes paqësore të 8 majit, si mesazhi më i rëndësishëm që ne u përcjellim shqiptarëve në kushtet kur përpiqen me të gjitha mjetet t’i dekurajojnë”, tha Berisha.
