Ministri i Jashtëm i Rusisë, Sergei Lavrov, komentoi të mërkurën mbi marrëdhëniet midis SHBA-së dhe Rusisë, duke theksuar se megjithë “fjalët e mira” dhe premtimet për bashkëpunim nën administratën e re të Donald Trump, deri tani nuk ka pasur rezultate konkrete.
Ai shtoi se, edhe pse dialogu është rifilluar dhe Moska e vlerëson hapin e Uashingtonit, realiteti në marrëdhënie mbetet i pandryshuar.
“Fjalët e mira për bashkëpunim në teknologji, energji dhe projekte të tjera deri më tani nuk kanë dhënë asnjë rezultat. Për momentin, asgjë nuk po ndodh në jetën reale,” deklaroi Lavrov, duke theksuar gjithashtu se sanksionet ndaj Rusisë mbeten në fuqi dhe se iniciativat e administratës Trump për të ndëshkuar ekonominë ruse janë miratuar.
