Kryeministrja italiane Meloni ka falënderuar Edi Ramën pasi mbrëmjen e djeshme vulosi faktin që Roma të mbajë hapur dhe të përdorë kampin në Gjadër sa të dojë duke shuar kështu dilemat që u ngritën pas intervistës së ministrit të Jashtëm, Ferit Hoxha.
“Të gjithë gazetarëve nga Italia dhe jo vetëm, që po kontaktojnë lidhur me një citim të pasaktë të publikuar nga një media pas një interviste me ministrin e Jashtëm shqiptar: dua të ritheksoj, qartë dhe shpresoj njëherë e përgjithmonë, se Protokolli ynë me Italinë do të mbetet në fuqi, për aq kohë sa Italia ta dëshirojë këtë”, shkroi Rama në X. Menjëherë në krahun tjetër erdhi reagimi i Melonit; “Faleminderit Edi” shkruan ajo.
