Kryeministrja italiane, Giorgia Meloni, ka përshkruar si një sukses të rëndësishëm miratimin e Deklaratës së Kishinaut nga 46 shtete anëtare të Këshillit të Evropës, e cila nënvizon legjitimitetin e vendeve për të zbatuar zgjidhje inovative në menaxhimin e flukseve të migracionit.
Sipas saj, modeli i qendrave të riatdhesimit në vendet e treta, të ndjekur nga Italia dhe Shqipëria, është tani një parim i përbashkët evropian.
“Qasja jonë, e ndjekur me seriozitet dhe qëndrueshmëri nga qeveria jonë, tani është bërë edhe qasja e Evropës,” shkroi Meloni në postimin e saj në rrjetet sociale, duke theksuar se kjo është një arritje e përbashkët e 46 shteteve anëtare dhe rezultat i një udhëtimi të guximshëm diplomatik të Italisë.
