Shitjet e armëve nga Shtetet e Bashkuara për Tajvanin mbeten një element kyç për ruajtjen e paqes dhe stabilitetit në rajon, tha zëvendësministri i Jashtëm tajvanez, Çen Ming-çi. Ai njoftoi se Tajpei do të vazhdojë të qëndrojë në komunikim me Uashingtonin për zhvillimet rreth furnizimeve dhe marrëveshjeve ushtarake.
Deklarata e tij vjen pas paralajmërimit të presidentit amerikan Donald Trump, që theksoi se Tajvani nuk duhet të ndërmarrë hapa drejt shpalljes formale të pavarësisë.
“Ne nuk duam që askush të thotë: ‘Le të shpallim pavarësinë sepse Shtetet e Bashkuara na mbështesin.’”
Ai gjithashtu theksoi se nuk ka marrë një vendim përfundimtar mbi shitjet e ardhshme të armëve për Tajvanin, duke e mbajtur këtë temë si një pikë të ndjeshme në marrëdhëniet mes Uashingtonit dhe Pekinit.
