Policia merr në dorë aeroportin e Vlorës

Mëngjesin e sotëm në hyrje të aeroportit të Vlorës kanë zbarkuar forca të shumta policie. Perimetri i sigurisë është vendosur për të shmangur një tjetër përplasje sikur ndodhi dje mes punonjësve të kompanisë ‘Macbo’ të biznesmenit Behgjet Pacolli dhe firmës ‘2A’ të Valon Ademit, dy ortakët për ndërtimin e VIA-s, sikur miq dhe sot armiq që vijojnë betejën nëpër gjykata. Mëngjesin e së hënës punonjësit e kompanisë së Valon Ademit nuk kanë lejuar hyrjen brenda në aeroport. Shkak i konfliktit mes Pacollit dhe Ademit është tjetërsimi i aksioneve duke lënë peng punimet dhe hapjen e aeroportit.