Më në fund vjen një lajm i mirë për Shqipërinë. Grupi i Punës në Këshillin e BE-së ka kaluar raportin IBAR për Shqipërinë që nesër pritet të vuloset përfundimisht nga ambasadorët e vendeve të BE-së.
Pas disa dilemave dhe shtyrjeve vendet e BE-së që ishin skeptike kanë dhënë dritën jeshile për të vijuar me miratimin e IBAR, kalimin e dosjes në Coreper II, i cili sanksionon formalisht mbajtjen e Konferencës Ndërqeveritare, me datë 26 Maj.
Prej fundit të shkurtit raporti IBAR ka qenë pjesë e diskutimeve në takimet e grupeve të negocimit të vendeve anëtare të Bashkimit Europian.
IBAR-i është raporti i Vlerësimit të Pikave të Ndërmjetme për progresin e deritanishëm të Shqipërisë në procesin e integrimit europian.
