Drejtuesi i Prokurorisë së Posaçme kundër Korrupsionit dhe Krimit të Organizuar (SPAK), Klodian Braho, ka marrë pjesë në një takim ndërkombëtar të zhvilluar në Palermo të Italisë, i fokusuar në bashkëpunimin ligjor dhe luftën ndaj krimit të organizuar transnacional.
“Gjatë këtij aktiviteti u theksua rëndësia e qasjes hetimore që synon të kuptojë të gjithë zinxhirin e veprimtarisë kriminale, nga burimi i aktivitetit deri te pastrimi i produkteve të veprës penale dhe destinacionet përfundimtare të përfitimit të paligjshëm. Po ashtu, u vu theksi te nevoja për shmangien e përgjithësimeve dhe fokusimi vetëm te individët dhe rrjetet konkrete kriminale, mbi bazë provash dhe bashkëpunimi ndërkombëtar,” u bë e ditur në fjalën e tij.
