Ardian Gjini është zgjedhur kryetar i ri i Aleanca për Ardhmërinë e Kosovës në Kuvendin Zgjedhor të partisë, duke marrë drejtimin e saj pas dorëheqjes së Ramush Haradinaj.
Në paraqitjen e tij para delegatëve, Gjini foli për një fazë të re politike të AAK-së dhe për besimin që, sipas tij, është ndërtuar ndër vite me qytetarët.
“Vëllezër e motra, unë besoj fort se gjithçka për të cilën po flasim sot është e arritshme. Nuk jemi duke u nisur prej tokës, por prej një ndërtese të jashtëzakonshme që e kemi ndërtuar së bashku. Po nisemi prej besimit që e kemi për Kosovën dhe prej bindjeve që i kemi ndërtuar me mijëra qytetarë. Nuk jemi duke u nisur prej zeros dhe kjo na jep forcë: ne mundemi, Aleanca mundet, Kosova mundet”, deklaroi Ardian Gjini gjatë Kuvendit Zgjedhor të Aleanca për Ardhmërinë e Kosovës.
