Ministri i Brendshëm Besfort Lamallari mori pjesë në inaugurimin e Qendrës së Çaktivizimit të Armëve të Vogla e të Lehta, një projekt strategjik që synon të forcojë sigurinë në vend dhe të harmonizojë praktikat shqiptare me standardet europiane, duke theksuar rëndësinë e bashkëpunimit ndërkombëtar dhe të një infrastrukture të qëndrueshme për parandalimin e rrezikut nga armët.
“Dorëzimi i kësaj qendre dhe i pajisjeve për funksionimin e saj është një hap konkret që forcon sigurinë publike, rrit standardet tona profesionale dhe afron Shqipërinë edhe më shumë me praktikat dhe standardet europiane në këtë fushë të ndjeshme. Ky projekt është një nga bashkëpunimet më të rëndësishme ndërkombëtare në drejtim të reduktimit të rrezikut nga përhapja e armëve të vogla dhe të lehta, duke krijuar një sistem më të qëndrueshëm sigurie dhe duke forcuar mekanizmat e kontrollit dhe parandalimit,” u shpreh Lamallari.
