Një person ka ndërruar jetë si pasojë e një aksidenti të rëndë në autostradën Vlorë–Fier, pranë zonës së Novoselës.
Sipas informacioneve paraprake, viktima dyshohet të ketë qenë duke kaluar autostradën në momentin që u godit nga një automjet. Për shkak të përplasjes së fortë, personi ka pësuar dëmtime të rënda dhe ka ndërruar jetë në vendngjarje. Identiteti i tij ende nuk është bërë i ditur.
Forcat e policisë ndodhen në vendngjarje dhe po punojnë për sqarimin e rrethanave të aksidentit dhe identifikimin e viktimës.
