Njohësi i çështjeve politike në Ballkanin Perëndimor nga Këshilli për Politikat e Demokratizimit (DPC), Bodo Weber akuzoi Albin Kurtin per krizen ne Kosove.
“Kemi një qeveri që sundon në një mënyrë relativisht autoritare dhe po përpiqet ta vërë shtetin nën kontrollin e saj”, deklaroi ai.
Weber parashikon skenarin më të keq, duke thënë se mund të ketë vazhdim të krizës institucionale dhe bllokadës politike.
“Do të shohim përsëri zgjedhje të reja dhe i njëjti cikël do të përsëritet”.
Nga këndvështrimi i tij, Osmani mund të ketë tentuar të forcojë marrëdhëniet me Trump për të siguruar një mandat të dytë.
“Në qeverinë e Kurtit, kjo ka shkaktuar xhelozi dhe tensione”.
Weber vlerëson se, ndonëse Osmani është parë si një partnere e mundshme për koalicion, një gjë e tillë mbetet “shumë e pamundur” pas zgjedhjeve të fundit.
