Ministri i Punëve të Brendshme, Besfort Lamallari, me anë të një postimi në rrjetin e tij facebook ka bërë me dije se përmes aktit normativ të buxhetit 2026, financimi për Policinë e Shtetit do të rritet me 701 milionë lekë.
Postimi i Lamallarit
Përmes Aktit Normativ të Buxhetit 2026, rrisim me 701 milionë lekë financimin për Policinë e Shtetit. Më shumë mbështetje për pagat e efektivëve, më shumë investime në teknologji, më shumë motivim për strukturat elitare dhe një tjetër hap i vendosur drejt modernizimit sipas standardeve më të mira evropiane. Një polici më e fortë do të thotë një Shqipëri më e sigurt. Ky është angazhimi ynë dhe do ta çojmë përpara me vendosmëri.
