Presidenti amerikan Donald Trump ka kritikuar Spanjën për rolin e saj brenda NATO-s, duke shprehur pakënaqësi për nivelin e angazhimit të Madridit në aleancë dhe marrëdhëniet me Shtetet e Bashkuara.
“Spanja është një partner i tmerrshëm në NATO. Ata nuk marrin pjesë, nuk paguajnë. Nuk dua të kem asnjë lidhje me Spanjën. Mendoj se duhet të shqyrtojmë edhe marrëdhëniet tona tregtare dhe vizitat me këtë vend, sepse ata duhet të kuptojnë se mungesa e angazhimit ka pasoja. Në fund, ata do të duan të rikthehen dhe të kenë një marrëdhënie më të afërt me Shtetet e Bashkuara”, deklaroi Trump.
Presidenti amerikan tha gjithashtu se mbetet i pakënaqur me disa qëndrime të aleatëve të NATO-s për çështje ndërkombëtare, duke kërkuar më shumë angazhim nga vendet anëtare.
