Po kështu, po sipas prokurorisë rezulton se Pashuk Gjini në muajin Qershor te vitit 2006 në bashkëpunim me pjesëtarë të tjerë të grupit kriminal; Eduart Shehi, Matijas Fernadez, Maxim Antonov, Roy Evans, Edëin Dubbelman, Pieter Cornels dhe persona te tjerë të paidentifikuar, kanë trafikuar në Spanjë një sasi prej 50 kg e 610 gram lëndë narkotike të llojit heroinë me një vlerë tregu prej 1 941 623 Euro”.

Më tej, SPAK thotë se pasuria që është vendosur nuk justifikohet për këtë arsye kërkohet konfiskimi. “Nga analiza e fakteve dhe e dokumentacionit të administruar përsa i përket pasurive të shtetasit Anton (Pashuk) GJINAJ (Gjini), i biri i Ndue dhe i Prendë, i datëlindjes 08.04.1966, lindur në Pukë dhe banues në Tiranë, identifikuar me numër personal ID G60408041I dhe familjarëve të tij, rezulton se kanë një nivel të pajustifikuar ekonomik dhe dyshohet se këto pasuri të paluajtshme apo të luajtshme, t’i kenë fituar si rezultat i veprimtarisë së tij kriminale që ai ka zhvilluar në Shqipëri dhe Spanjë” për këtë arsye kërkohet që të kalojnë në favor të shtetit. Mes pasurive është firma e ndërtimit “Alesio”.

Lista me 23 pasuritë që kërkohet konfiskimi; 

1. Shoqëria “ALESIO – 2014” shpk, me NIPT Nr.L41713003M, me datë themelimi 08.05.2014 dhe datë regjistrimi 13.05.2014, me formë ligjore të shoqërisë “Shpk”, me adresë të zyrës qëndrore të shoqërisë në Shqipëri: Njësia Administrative Nr.11, Bulevardi “Lord Bajron”, banesë private Nr.14, Tiranë, me kapital 30 100 000 lekë, me administrator të shoqërisë shtetasen K. Gj., me ortak të vetëm shtetasin Anton Gjinaj, vlera e kapitalit 30 100 000 lekë, numri i pjesëve 1, pjesëmarrja në përqindje 100, me status “Aktiv”.
2. Shoqëria “DEIZI – M” shpk, me NIPT Nr.L82212004G, me datë themelimi 22.09.2018 dhe datë regjistrimi 12.10.2018, me formë ligjore të shoqërisë “Shpk”, me adresë të zyrës qëndrore të shoqërisë në Shqipëri: Njësia Administrative Nr.2, Bulevardi “Bajram Curri”, Qendra Galeria “ETC”, Hyrja B, Tiranë, me kapital 10 000 000 lekë, me likuidator të shoqërisë shtetasin E. Pjetri, me ortak të vetëm shtetasin Anton Gjinaj, vlera e kapitalit 10 000 000 lekë, numri i pjesëve 1, pjesëmarrja në përqindje 100, me status “Shoqëri në likuidim e sipër”.
3. Shoqëria “POLYSTYRENE (EPS) MANUFACTURER” shpk, me NIPT Nr. L81811014B, me datë themelimi 04.06.2018 dhe datë regjistrimi 11.06.2018, me formë ligjore të shoqërisë “Shpk”, me adresë të zyrës qëndrore të shoqërisë në Shqipëri: Fashati Ahmetaq, Fushë-Prezë, Tiranë, me kapital 100 000 lekë, me administrator të shoqërisë shtetasin Anton Gjinaj, me ortak të vetëm shtetasin Anton Gjinaj, vlera e kapitalit 100 000 lekë, numri i pjesëve 1, pjesëmarrja në përqindje 100, me status “Pezulluar”.
4. Shoqëria “FORALB ALABASTER” shpk, me NIPT Nr.J62903844I, me datë themelimi 04.11.1994 dhe datë regjistrimi 08.11.1994, me formë ligjore të shoqërisë “Shpk”, me adresë të zyrës qëndrore të shoqërisë në Shqipëri: Mengaj, Kavajë, me kapital 30 980 000 lekë, me administrator të shoqërisë shtetasin Anton Gjinaj, me ortak shoqërinë “ALESIO 2014” shpk, vlera e kapitalit 23 232 000 lekë, numri i pjesëve 23 232, pjesëmarrja në përqindje 74.99% dhe ortak tjetër Ministrinë e Ekonomisë Tregtisë dhe Energjitikës, vlera e kapitalit 7 746 000 lekë, numri i pjesëve 7 746, pjesëmarrja në përqindje 25%, me status “Aktiv”.
5. Shoqëria “XYZ 08” shpk, me NIPT Nr.K92110004Q, me datë themelimi 18.02.2008 dhe datë regjistrimi 10.09.2008, me formë ligjore të shoqërisë “Shpk”, me adresë të zyrës qëndrore të shoqërisë në Shqipëri: Njësia Administrative Nr.11, Bulevardi “Lord Bajron”, banesë private Nr.14, Tiranë, me kapital 100 000 lekë, me administrator të shoqërisë shtetasin Elton Pjetri, me ortak shoqërinë “ALESIO 2014” shpk, vlera e kapitalit 100 000 lekë, numri i pjesëve 1, pjesëmarrja në përqindje 100%, me status “Aktiv”.
6. Shoqëria “GARDEN RESIDENCE TURDIU” shpk, me NIPT Nr.L91425024V, me datë themelimi 21.02.2019 dhe datë regjistrimi 25.02.2019, me formë ligjore të shoqërisë “Shpk”, me adresë të zyrës qëndrore të shoqërisë në Shqipëri: Rruga e “Durrësit” (zona e ish-fushës së aviacionit), Pasuria Nr.1/284, Vol.13, Fq.42, ZK8210, Tiranë, me kapital 1 000 000 lekë, me administrator të shoqërisë shtetasen K. Gj., me ortak shoqërinë “ALESIO 2014” shpk, vlera e kapitalit 1 000 000 lekë, numri i pjesëve 1, pjesëmarrja në përqindje 100%, me status “Aktiv”.
7. Pasuri Nr.10/587, me sipërfaqe totale 1 290 m2, e llojit truall nga e cila 246 m2 ndërtesë, me adresë Rruga “Gjergj Legisi”, Tiranë, në emër të shtetases R. Gjini (bashkëshortja e subjektit nën hetim pasuror).
8. Pasuri Nr.10/303+1-12, me sipërfaqe totale 120 m2, apartament, me adresë, Laprakë, Tiranë në emër të shtetases R. Gjini (bashkëshortja e subjektit nën hetim pasuror).
9. Pasuri Nr.1/357, me sipërfaqe totale 301.5 m2, e llojit truall nga e cila 246 m2 ndërtesë, me adresë Rruga “Irfan Tomini”, Tiranë në emër të shtetasit P. Kola, (bashkëshorti i shtetases K. Gj., vajza e subjektit nën hetim pasuror).
10. Pasuri Nr.25/32, me sipërfaqe totale 1 680 m2, e llojit arë, me adresë Marikaj, Tiranë, blerë në shumën 4 000 000 lekë, në emër të Shoqërisë “ALESIO – 2014” shpk, me NIPT Nr. L41713003M.
11. Pasuri Nr.25/30, me sipërfaqe totale 6 530 m2, e llojit arë, me adresë Rruga “Fadil Rada”, Tiranë, blerë në shumën 42 000 000 lekë, në emër të Shoqërisë “ALESIO – 2014” shpk, me NIPT Nr. L41713003M.
12. Pasuri Nr.25/28, me sipërfaqe totale 5 560 m2, e llojit arë, me adresë Marikaj, Tiranë, blerë në shumën 22 750 000 lekë, në emër të Shoqërisë “ALESIO – 2014” shpk, me NIPT Nr. L41713003M.
13. Pasuri Nr.25/23, me sipërfaqe totale 3 930 m2, e llojit arë, me adresë Marikaj, Tiranë, në emër të Shoqërisë “ALESIO – 2014” shpk, me NIPT Nr.L41713003M.
14. Pasuri Nr.25/33, me sipërfaqe totale 1 670 m2, e llojit arë, me adresë Marikaj, Tiranë, në emër të Shoqërisë “ALESIO – 2014” shpk, me NIPT Nr.L41713003M.
15. Pasuri Nr.3/283, me sipërfaqe totale 480 m2, e llojit truall, me adresë  Tiranë, blerë në shumën 13 245 000 lekë, në emër të Shoqërisë “ALESIO – 2014” shpk, me NIPT Nr.L41713003M.
16. Pasuri Nr.3/283-ND, me sipërfaqe totale 84.4 m2, e llojit ndërtesë, me adresë  Tiranë, në emër të Shoqërisë “ALESIO – 2014” shpk, me NIPT Nr.L41713003M.
17. Pasuri Nr.3/169-ND, me sipërfaqe totale 57.8 m2, e llojit ndërtesë, me adresë  Tiranë, në emër të Shoqërisë “ALESIO – 2014” shpk, me NIPT Nr.L41713003M.
18. Pasuri Nr.598/47, me sipërfaqe totale 2 092.4 m2, e llojit truall, me adresë Lundër, Tiranë, blerë në shumën 1 157 000 euro, në emër të Shoqërisë “ALESIO – 2014” shpk, me NIPT Nr.L41713003M.
19. Pasuri Nr.21/17, me sipërfaqe totale 700 m2, e llojit arë, me adresë Marikaj, Tiranë, blerë në shumën 1 157 000 euro, në emër të Shoqërisë “ALESIO – 2014” shpk, me NIPT Nr.L41713003M.
20. Automjet i tipit autoveturë, e markës “Merceds-Benz”, modeli CLS320CDI, në emër të shtetasit F. Murati.
21. Automjet i tipit autoveturë, e markës “Merceds-Benz”, në emër të shtetases R. Gjini (bashkëshortja e subjektit nën hetim pasuror).
22. Automjet i tipit autoveturë, e markës “Merceds-Benz”, modeli GLE 400 d 4MATIC Coupe, në emër të shtetases K Gj. (vajza e subjektit nën hetim pasuror).
23. Automjet i tipit autoveturë, e markës “VOLKSWAGEN”, modeli “GOLF”, në emër të shtetasit P. Kola (bashkëshorti i shtetases K. Gj., vajza e subjektit nën hetim pasuror).

The post Ndërtues në Shqipëri, trafikant në Spanjë! SPAK i merr 23 pronat miliona euro bosit appeared first on 5 Pyetjet.

“Bashkia Tiranë, bashkia Krujë, Bashkia Durrës dhe bashkia Lezhë, në 13 raste i kanë ofruar punë publike “Alessio 2014” dhe pronarit të saj Gjinaj, i dyshuar gjerësisht, edhe para urdhrit të SPAK, për pëfshirje në aktivitete të paligjshme.

Që nga ndërtimi i varrezave, asfaltimi i rrugëve, shembja e shtëpive të tërmetit, ndërtimi i qendrave komunitare, e me radhë, firma e Antonit me tre emra ka qenë e zgjedhura e të ngjashmëve të tij në krye të bashkive të PS” tha Sekretarja për Transparencën, Luftën kundër Korrupsionit në PD, Ledina Mandia. PD i bën thirrje SPAK-ut të fusë në fokus të hetimit edhe tenderat dhe kontratat e Anton Gjinajt.

“SPAK ka sekuestruar pasuritë e shtetasit Anton Gjinaj, me dyshimin se vjen nga aktivitete kriminale  në Shqipëri dhe Spanjë.

Anton Gjinaj është vetëm njëri prej emrave të përdorur nga i akuzuari: Kjo, në rrathët koncentrikë të së keqes, ku i bën punët qeveria e Edi Ramës, nuk bën përshtypje.

I njohuri si Anton Gjinaj, Pashuk Gjini apo Pashk Rrapi, nuk është një i dyshuar për narkotrafik dosido.

Ai, si shumë të dyshuar apo të provuar të tjerë, është ‘djalë për shpirt’ i pushtetit dhe bashkive socialiste të Edi Ramës.

Nga një hulumtim i zyrës së anti-korrupsionit të Partisë Demokratike, na rezulton se firma e këtij individi, “Alessio 2014” ka marrë miliona euro në tendera dhe kontrata.

Ai është sidomos i parapëlqyeri i bashkive socialiste, të njohura si gjeneratorë aferash të dyshimta, dhe të provuara në vjedhje seriale.

Bashkia Tiranë, bashkia Krujë, Bashkia Durrës dhe bashkia Lezhë, në 13 raste i kanë ofruar punë publike “Alessio 2014” dhe pronarit të saj Gjinaj, i dyshuar gjerësisht, edhe para urdhrit të SPAK, për pëfshirje në aktivitete të paligjshme.

Që nga ndërtimi i varrezave, asfaltimi i rrugëve, shembja e shtëpive të tërmetit, ndërtimi i qendrave komunitare, e me radhë, firma e Antonit me tre emra ka qenë e zgjedhura e të ngjashmëve të tij në krye të bashkive të PS.

Partia Demokratike, duke përshëndetur SPAK për sekuestron, i bën thirrje të fusë në fokus të hetimit edhe tenderat dhe kontratat e Anton Gjinajt.

Hetimi i aktivitetit të paligjshëm të narkotrafikut është vetëm njëra anë e historisë së këtij individi.

Aksesi në zyrat e shtetit, miliona euro të lëvruara në favor të firmës së tij, duhet të ngrenë, gjithashtu, dyshime dhe padi.

Me këtë martesë të padenjë të shtetit dhe krimit, Shqipëria është në rrezik” denoncon PD.

The post PD: 4 bashkitë socialiste që i dhanë 13 tendera ndërtuesit trafikant appeared first on 5 Pyetjet.

Prokuroria e Posaçme Kundër Korrupsionit dhe Krimit të Organizuar njoftoi se sekuestro e pasurive të Gjinajt është bazuar në ligjin “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë,” i njohur gjithashtu si ligji anti-mafia.

Biznesmeni me dy emra u dënua në 2010 në Spanjë dhe u kap në 2021 në Mal të Zi duke u transferuar për të vuajtur dënimin më pas u ekstradua në Shqipëri. Biznesmeni Anton Gjinaj është ndjekur nga DEA amerikane për drogën në Spanjë.

Gjykata ka vendosur sekuestron preventive të 6 kompanive në pronësi të subjektit dhe personave të lidhur, përfshirë kompaninë e ndërtimit ‘Alessio 2014’, kontraktore e institucioneve publike. Gjithashtu biznesmenit dhe personave të lidhur i janë sekuestruar mijëra metra katrorë tokë truall, disa apartamente dhe ndërtesa, si dhe 4 automjete luksoze.

The post DEA “gozhdoi” Pashukun! Firma e biznesmenit të ndërtimit tendera nga shteti appeared first on 5 Pyetjet.

“Në emër të Partisë Demokratike më 27 Janar 2022 kam kallëzuar në SPAK Kryetarin e Bashkisë Tiranë Erjon Veliaj dhe zyrtarë të tjerë të Bashkisë Tiranë për shpërdorim detyre dhe shkelje e barazisë së pjesëmarrësve në tendera. Në shkelje të ligjit Bashkia Tiranë kishte kualifikuar dhe shpallur fitues në tenderat e rindërtimit në lagjen “5 Maj” në Tiranë, me vlerë më shumë se 10 milion euro, kompaninë “ALESIO – 2014” shpk. në pronësi të një personi me rekorde të rënda kriminale.

SPAK ka njoftuar sekuestrimin e kompanisë që ka fituar tenderat e rindertimit në lagjen “5 Maj” dhe pasurisë së këtij shtetasi. Ndërkohë nuk ka asnjë njoftim mbi fazën në të cilën ndodhen hetimet për abuzimin me ligjin nga Erjon Veliaj dhe Bashkia Tiranë. Hetimet gjysmake nuk janë drejtësi, por pandëshkueshmëri.

SPAK duhet të ngrihet në lartësinë e pritshmërive të qytetarëve shqiptarë për ti dhënë fund pandëshkueshmërisë. Zyrtarët publik që kanë abuzuar me ligjin duke fuqizuar me fonde publike persona me rekorde kriminale duhet të mbajnë përgjegjësi penale. Koha është tani, na provoni që të gjithë janë të barabartë para ligjit. Na provoni që askush nuk është mbi ligjin dhe nuk gëzon imunitet për shkak të statusit të tij” shkruan ai.

The post Firma e biznesmenit u sekuestrua, Bardhi pyet SPAK-un: Veliaj i dha tendera, pse nuk hetoni? appeared first on 5 Pyetjet.

Dënimi ndaj biznesmenit të njohur që zotëron kompaninë e ndërtimit “Alesio-2014”, fituese e shumë parave publike nga institucionet e shtetërore, është dhënë nga gjykata e Madritit, për trafikimin e gati 50 kg kokainë nga vendet e Amerikës Latinë, në drejtim të Spanjës dhe vende të tjera të europës.

Në dokumentacionin sekret që disponoj rezulton se transferimi i Anton Gjinaj nga Spanja në Shqipëri, është bërë me një procedurë sekrete dhe policia por edhe ministria nuk kanë dhënë asnjë shpjegim se pse dhe cilët kanë qënë arsyet se pse është mbajtur ky operacion kaq sekret. Në një kohë kur policia e shtetit shpërndan njoftime edhe për disa deportime të rëndomta të shqiptarëve që kërkojnë Azil në Gjermani apo në vende të ndryshme të Europës.

Sipas dokumentit, Gjinaj rezulton që në datën 23 qershor 2022, pikërisht në orën 17:35 është marë në dorëzim në aeroportin e Rinasit nga krye/komisari i policisë së Burgjeve, Edmond Levani. Anton Gjinaj me origjinë nga Puka, është person që njihet dhe me emrin Pashuk Gjini. Fillimisht nga Rinasi, ai është transferuar në drejtim të burgut 313 në Tiranë, ku është plotësuar dokumentacioni dhe dosja e tij personale.

Ndërsa vetëm pak ditë më parë Gjinaj është transferuar nga 313 në Tiranë, në drejtim të burgut të Reçit në Shkodër. Pikërisht në këtë burg biznesmeni i ndërtimit duhet të vuajë 8 vjet e 9 muaj burgim, dënim ky që është dhënë fillimisht nga gjykata e Madridit dhe më pas njohur zyrtarisht nga gjykata e Tiranës, në datën 8 Mars 2022.

Pas njohjes së vendimit nga gjykata e Tiranës, rezulton se në datën 2 qershor 2022, ministri i Drejtësisë, Ulsi Manja, ka dhënë pëlqimin dhe miratuar kërkesën e biznesmenit për transferimin e tij nga Spanja në Shqipëri, me qëllim vuajtjen e dënimit në një nga burgjet e vendit.

E gjithë praktika për transferimin e bosit të ndërtimit në Shqipëri është ndjekur nga Ministria e Drejtësisë, Zyra e Marëdhënieve me Jashtë në Prokurorinë e Përgjithshme dhe Drejtoria e Përgjithshme e Burgjeve. Në muajin Prill të vitit 2021 Anton Gjinaj u arrestua nga policia e Malit të Zi, pas një mandate arresti të lëshuar nga zyra e Interpol Madritit, për shkak se Gjinaj ishte implikuar në trafikimin e 50 kg kokainë.

Biznesmeni Shqiptar pas 2 muaj, u ekstradua nga Mali i Zi në Spanjë, shtet në të cilin dhe u dënua me 8 vjet e 9 muaj burgim. Ndërkohë prokuroria e posaçme SPAK, me kërkesë të autoriteteve Spanjolle, ka vendosur të sekuestrojë dhjetëra pasuri që menaxhon dhe zotëron Anton Gjinaj, shkruan gazetari Elton Qyno.

The post Kush është bosi i ndërtimit që u soll fshehurazi nga Madridi në burg në Shkodër? appeared first on 5 Pyetjet.