Presidenti Ilir Meta u shpreh se Londo ishte një intelektual i përmasave të larta. “Ishte detyrim për ti dhënë lamtumirën e fundit sot një intelektuali dhe patrioti si Bardhyl Londo. Jam i sigurt që një poet i këtyre përmasave, ka lënë një trashëgimi frymëzuese, për të gjithë dhe sidomos për të rinjtë. Ai gjithmonë ka qenë mbi politikën dhe ka qenë gjithmonë një intelektual i moderuar për të bashkuar dhe për të nxitur dialogun”, tha presidenti.

Deputeti Edi Paloka ka vlerësuar figurën e shkrimtarit, ndërsa ka folur edhe për kontributin e tij të çmuar në Partinë Demokratike, pasi ka qenë edhe deputet i kësaj force.

“Është nga ata njerëz që ka lënë vetëm përshtypje pozitive. Ai ishte i mençur, i urtë, dinjitoz. Për çdo njeri pasi ikën, gjejnë fjalët e duhura. Por Bardhi ishte i tillë. Ai reflektonte pozitivitet. Ai ka pasur herë pas here kontakte. Nuk ka qenë aktiv siç ishte në periudhën kur ishte deputet. Për ne Bardhi ishte i rëndësishëm për ne. Personalitetet kanë qenë pranë PD-së. Sot nuk është koha për të folur për këtë. Sot jemi në një ditë të trishtë dhe është humbje e madhe”, tha Paloka.

Preç Zogaj ndau edhe bisedat e fundit me shkrimtarin e ndjerë. “Bardhyli në komunikimin me mua, ka qenë me biseda kryesisht për poezinë, mendoj se pengu ose ajo që e shoqëroi atë në këtë etapë përmbyllëse ishte një lloj tragjedie familjare, dhimbja për bashkëshorten, një distancim prej shkrimtari. Shëmtimi është një provokacion për poetin, është edhe armiku i poetit. Identiteti i poezisë është e bukura” u shpreh Zogaj.

/5pyetjet.al

The post I jepet lamtumira shkrimtarit Bardhyl Londo: Iku esenca e kombit appeared first on 5 Pyetjet.

Bardhyl Londo prej 2 muajsh ai ishte i shtruar në spitalin Onokologjik në Tiranë. Gjendja shëndetësore e Bardhyl Londos ishte përkeqësuar shumë, prej 10 ditësh ndodhej në reanimacionin e Onkologjikut në Tiranë./5pyetjet.al

The post Nesër bëhen homazhe në nderim të shkrimtarit, Bardhyl Londo appeared first on 5 Pyetjet.

Ai shkroi romane, publicistikë, por drita që bënin poezitë e tij, që nga e para e deri tek ajo e fundit, ishin ato që e dallonin mes shumë shkrimtarëve të tjerë. Për dashurinë e shpirtin njerëzor nga viti 1975, kur vendosi të botonte vëllimin poetik “Krisma dhe trëndafila”, e deri te botimi i fundit “Prilli i hidhur”, Bardhyl Londo na mësoi ta lexonim poezinë përmes shpirtit.

Poetit do të duhet t’i japim lamtumirën, sepse sot është ndarë nga jeta, duke lënë pas në kulturën shqiptare gjurmë artistike, përmes vargjeve të tij. Tetë vëllime me poezi, por edhe romane, i njohur si poeti i dashurisë, autori që kohët e fundit vuante vetminë pas ikjes së bashkëshortes, nuk pushoi së shkruari për ndjenjat njerëzore.

Bardhyl Londo u vendos në krye të Lidhjes së Shkrimtarëve për një kohë të shkurtër, duke i dhënë dorën shumë shkrimtarëve të rinj. E ndonëse jo fitues i çmimeve të shumta letrare, ai kishte fituar çmimin e publikut – që edhe në kohë të vështira për të, publikonin vargjet e tij si kurajo për poetin.

Fituesi i çmimit “Migjeni” u nda nga jeta në moshën 74-vjeçare, por na mësoi përjetësisht se “dashuria është një monument që mbrohet nga njeriu”.

Londo është autor i veprave:

Krisma dhe trëndafila[1] – (1975)

Hapa në rrugë [1] – (1981)

Emrin e ka dashuri[1] – (1984)

Si ta qetësoj detin – poezi (1988)[2]

Ditë njerëzore [1]

Shën Shiu – 2010

Jeta që na dhanë – 2013

/5Pyetjet.al

The post Ndahet nga jeta shkrimtari i njohur Bardhyl Londo appeared first on 5 Pyetjet.

Shkrimtari Andon Andoni shkruan se autori i dhjetra librave me poezi, Bardh Londo është duke luftuar në këto ditë të vështira me vdekjen.

“Miku im i mirë, poeti i angazhuar, liriku i thekur plot ëmbëlsi, autori i dhjetra librave me poezi, që solli ujin dhe mushtin e vendlindjes Përmetit në Tiranë dhe më gjerë, Bardh Londo është duke luftuar në këto ditë të vështira me vdekjen. Lutem për ty Bardh.” shkruan ai.

The post Poeti i njohur në gjendje të rëndë, miku i tij: Ai po lufton me vdekjen appeared first on 5 Pyetjet.