Ajo tha se Rama keqpërdori foltoren e Kuvendit të Kosovës dhe theksoi se kërkesa për implementimin e marrëveshjes së Ohrit ishte një tentativë për të shtuar presion mbi Kosovën.

“Nëse ai ka ardhur për të bërë fushatë, duhet ta bëjë këtë në mënyrë transparente dhe jo përmes foltores së Kuvendit”, shtoi Gërvalla.

Gërvalla theksoi se kërkesa e Ramës nuk kishte karakter vëllazëror dhe se konsultimet brenda një familjeje bëhen në mënyrë private, jo publike. Seanca, që zgjati tri orë, theksoi angazhimin për thellimin e bashkëpunimit ndërkombëtar mes dy shteteve.

The post Gërvalla kritikon Ramën: Fjalimi i tij ishte fushatë kundër Qeverisë Kurti appeared first on 5 Pyetjet.

“Jemi me fat që në SHBA kemi pasur mbështetjen e të dyja kampeve, pra të atij republikan dhe atij demokrat.

Prandaj, nuk shoh asnjë sinjal që një gjë e tillë të ketë ndryshuar gjatë rrugës”, tha Gërvalla kur u pyet në një konference për media se çfarë pret në marrëdhëniet mes Kosovës dhe SHBA-së pas zgjedhjeve atje të martën.

Në garë për të presidentin e ardhshëm amerikan janë Kamala Harris, nga Partia Demokratike, aktualisht nënpresidente, dhe Donald Trump, nga Partia Republikane dhe president nga viti 2017 deri më 2021.

Gërvalla tha gjatë konferencës së përbashkët në Prishtinë me ministrin e Jashtëm të Luksemburgut, Xavier Bettel, se Kosova do t’i forcojë marrëdhëniet me Shtetet e Bashkuara duke i kryer “detyrat e shtëpisë”.

“Duke çuar përpara agjendat e reformave dhe duke vendosur ligjin në çdo cep të Kosovës, duke luftuar krimin e organizuar, kështu forcohet partneriteti me SHBA-në.

Nuk forcohet me fjalë dhe deklarata, por me punë konkrete”, tha ajo.

Administrata e tanishme amerikane, ku bën pjesë Harris, ka inkurajuar vazhdimisht Kosovën që t’i normalizojë marrëdhëniet me Serbinë, si kusht për të ecur përpara në rrugën e integrimit evropian, ndërsa Trump si president ka qenë dëshmitar i nënshkrimit të një marrëveshjeje mes Kosovës dhe Serbisë për normalizimin e marrëdhënieve ekonomike.

Për analistët në SHBA, situata nuk do të jetë aq e thjeshtë, megjithatë. Fillimisht, me luftën në Ukrainë, konfliktin në Lindjen e Mesme dhe kontestin territorial në Detin e Kinës Jugore, Kosova nuk do të depërtojë lart në agjendë, sipas tyre.

Frank Wisner, ish-emisar i SHBA-së për statusin e Kosovës, tha për programin Expose të Radios Evropa e Lirë javën e kaluar se problemi më i madh i Kosovës është mosmarrëveshja me Serbinë, e cila vazhdon të mos ia njohë pavarësinë, edhe gati 17 vjet pas shpalljes.

Wisner nuk pret ndonjë lëvizje në këtë drejtim, nëse Harris zgjidhet presidente.

David Phillips, drejtor i Programit për Ndërtimin e Paqes dhe të Drejtat e Njeriut në Universitetin e Kolumbias, ndan pikëpamje të ngjashme për Harrisin, pasi nuk pret ndonjë veprim domethënës prej saj në lidhje me marrëdhëniet ndërmjet Kosovës dhe Serbisë.

Por, për Trumpin, pritshmëritë janë dukshëm më shqetësuese.

Të dy ekspertët druajnë se qasja e tij “transaksionale” mund të çojë në pasoja të paparashikueshme dhe potencialisht të rrezikshme për të ardhmen e Kosovës.

Wisner nuk e përjashton mundësinë që Trump ta eksplorojë ndarjen e Kosovës si zgjidhje të shpejtë për konfliktin e saj të vazhdueshëm me Serbinë, duke e kujtuar një marrëveshje për shkëmbim territoresh mes Kosovës dhe Serbisë, përgjatë vijave etnike, e përfolur në vitin 2020, gjatë mandatit të parë presidencial të Trumpit.

Phillips tha, po ashtu, se Trump e sheh ndarjen e Kosovës si zgjidhje të shpejtë për marrëdhëniet e saj të trazuara etnike dhe kjo, sipas tij, jo vetëm se do ta destabilizonte Kosovën, por do ta hapte Kutinë e Pandorës edhe në shtete të tjera multietnike të Ballkanit, si Maqedonia e Veriut, Bosnje e Hercegovina apo Serbia./REL

The post Gërvalla: Asnjë sinjal ndryshimi në mbështetje për Kosovën pas zgjedhjeve në SHBA appeared first on 5 Pyetjet.

Ajo theksoi se ky është një rezultat i punës së vështirë dhe se sovraniteti i Kosovës në CEFTA ishte i vonuar, duke hapur kështu një kapitull të ri ndërkombëtar për vendin.

“Më në fund dhe me të drejtë: Kosova po flet vetë në CEFTA, që nuk përfaqësohet më gabimisht nga UNMIK-u. Puna e vështirë dhe vendimet e vështira në vitet e fundit dhanë rezultat. Sovraniteti i plotë i Kosovës në CEFTA ishte i vonuar. Tani, ne kemi hapur vetëm një kapitull tjetër të rëndësishëm ndërkombëtar”, ka shkruar Gërvalla në rrjetin X.

The post Gërvalla: Kosova tani flet vetë në CEFTA appeared first on 5 Pyetjet.

Ajo në takimin e përbashkët me ministrat e Jashtëm të vendeve të BE-së ka folur për sukseset e Kosovës, por edhe sfidat.

Ndër të tjera, kryediplomatja ka njoftuar homologët evropianë  për përpjekjet e vazhdueshme për destabilizimin e Kosovës si dhe ka folur për agresionin e 24 shtatorit në Banjskë të Zvecanit.

“Ajo kërkoi dënim të ashpër nga Bashkimi Evropian dhe shtetet anëtare të tij dhe vuri në pah faktin që siguria e kontinentit evropian do të duhej të zinte vend të rëndësishëm në të gjitha debatet rreth zgjerimit të BE-së”, thuhet në njoftim.

Për zgjerimin e BE-së, ajo ka theksuar se duhet bazuar në vlerat dhe parimet e mirëfillta evropiane dhe se Kosova është e gatshme dhe e përgatitur për të ecur me seriozitet rrugës së saj euroatlantike.

The post Sulmi në veri, Gërvalla: Presim që BE të reagojë për Serbinë appeared first on 5 Pyetjet.

The post Marrëveshja Kosovë-Serbi, Gërvalla: Duhet të zbatohet në tërësi, i pjesshëm nuk sjell përparim appeared first on 5 Pyetjet.