Më tej Autoriteti Kombëtar për Sigurinë Kibernetike thekson se deri në këtë moment, “sasia e të dhënave të mundshme të ekspozuara vlerësohet e kufizuar”.

Autoriteti Kombëtar për Sigurinë Kibernetike informon opinionin publik se, më datë 25 mars 2026, është konstatuar një incident kibernetik që ka prekur infrastrukturën e teknologjisë së informacionit të Postës Shqiptare.

Bazuar në vlerësimin paraprak, nuk janë identifikuar të dhëna të enkriptuara apo të fshira, si dhe nuk janë konstatuar ndërprerje të shërbimeve si pasojë direkte e këtij incidenti.

Menjëherë pas marrjes së njoftimit, AKSK ka ndërrmarë të gjitha hapat e parashikuara nga procedurat operative të reagimit ndaj incidenteve, duke ngritur një grup të dedikuar pune, i përbërë nga ekspertë të sigurisë kibernetike. Ky grup ka nisur menjëherë punën në bashkëpunim të ngushtë me stafin teknik të Postës Shqiptare për:

• analizimin e thelluar të incidentit dhe verifikimin e çdo komprometimi të mundshëm;

• identifikimin e indikatorëve të komprometimit (IOC);

• analizën e log-eve dhe event-eve në sistemet kritike;

• izolimin dhe sigurimin e sistemeve, me qëllim parandalimin e çdo ndikimi të mëtejshëm.

Në kuadër të masave parandaluese dhe për të mundësuar një analizë të plotë teknike, disa shërbime janë vendosur përkohësisht jashtë funksioni nga vetë Posta Shqiptare, me rekomandim të Autoritetit. Aktualisht, të gjitha shërbimet publike janë rikthyer dhe janë funksionale për publikun.

Ndërkohë, në burime të hapura janë publikuar disa të dhëna të dyshuara si të eksfiltruara, të cilat po verifikohen për autenticitetin dhe burimin e tyre. Deri në këtë moment, sasia e të dhënave të mundshme të ekspozuara vlerësohet e kufizuar.

Autoriteti Kombëtar për Sigurinë Kibernetike dënon çdo akt që cënon infrastrukturat kritike të informacionit dhe mbetet i përkushtuar në garantimin e integritetit, konfidencialitetit dhe disponueshmërisë së sistemeve të teknologjisë së informacionit në Republikën e Shqipërisë.

AKSK do të vijojë të informojë publikun në mënyrë transparente mbi zhvillimet e mëtejshme dhe do të publikojë një raport përfundimtar pas përmbylljes së analizës.

Për çdo informacion zyrtar, qytetarët dhe mediat ftohen t’u referohen vetëm kanaleve zyrtare të AKSK.

The post Sulmi mbi Postën Shqiptare, Autoriteti: Pak të dhëna kanë dalë appeared first on 5 Pyetjet.

Ai akuzohet për “Përgjimin e paligjshëm të të dhënave kompjuterike” dhe për lidhjet me një grup të strukturuar kriminal.

Ismaili, i cili është i përfshirë në këtë çështje si pjesë e krimeve, përballet me akuzat e rënda për krimet e paligjshme në aktivitetin me personat e tjerë.

The post Agim Ismaili paraqitet në GJKKO, akuzohet për hakerimin e SPAK-ut appeared first on 5 Pyetjet.

Ai akuzohet për “përgjim të paligjshëm të të dhënave kompjuterike” dhe “pjesëmarrje në grup të strukturuar kriminal”.

Seanca paraprake po zhvillohet për të vlerësuar natyrën e akuzave ndaj tij dhe të tjerëve të përfshirë.

The post Agim Ismaili paraqitet në GJKKO, akuzohet për hakerimin e SPAK-ut appeared first on 5 Pyetjet.

Ismaili u paraqit sot në ambientet e SPAK dhe doli pak momente më vonë, ndërsa hetimet po vijojnë.

Autoritetet bëjnë me dije se, falë masave të sigurisë, sistemi i SPAK mbeti i pacënuar dhe nuk pati ndërhyrje të suksesshme.

The post SPAK nën hetim ish-drejtorin e Burgjeve për tentativë hakerimi appeared first on 5 Pyetjet.

Zoti Frashëri bëri këto komente gjatë seancës dëgjimore para komisionit të posaçëm parlamentar kundër dezinformimit dhe formave të tjera të ndërhyrjes së huaj në proceset demokratike të vendit, ku foli mes të tjerash mbi sulmet iraniane nga “Homeland Justice”, që synonin sipas tij, shkatërrimin e të dhënave dhe kolapsin e shërbimit të operatorit.

“Sulmet ndaj operatorëve janë të përditshme. Kur nisi lufta në Ukrainë, i mblodhëm operatorët dhe u thamë të skanojnë përditë gjendjen dhe kjo të bëhej kulturë”, tha zoti Frashëri.

Ai shtoi se kërkesa e parë për të bllokuar faqe ruse erdhi nga Komisioni Evropian më 3 mars të vitit 2022, ndërsa Shqipëria u godit nga hakerat iranianë në muajin korrik.

“Komisioni Europian kërkoi që 3 faqe interneti, si dhe llogari të tjera ruse, që mbanin qëndrim dhe publikonin të dhëna në favor të agresionit rus, të mbylleshin, sepse përmbanin dezinformim. Kërkesa të tjera kanë ardhur nga organet ligjzbatuese për grupin “Homeland Justice”. Kërkesa kanë ardhur kryesisht nga prokuroria në disa raste, Njësia C kibernetike e Policisë dhe i vetmi instrument për t’i ndaluar këto, është ligji”, tha zoti Frashëri.

Ai shtoi se AKEP-i bën kontrolle në mënyrë të përhershme mbi personat e autorizuar dhe se siguria në këtë fushë është maksimale, ndërsa detajoi se këto sulme kanë ndodhur gjatë festave dhe pushimeve, kur operatorët ulin vëmendjen ndaj sistemit, por kjo tani nuk ndodhë më, sepse tani janë caktuar ekipe profesionale gjatë festave dhe fundjavave në çdo stinë.

Siguria kibernetike është një detyrë me përparësi të lartë qysh pas krizës shëndetësore të pandemisë Covid 19. AKEP-i administron 5 infrastruktura kritike dhe qysh prej shkurtit të vitit 2022 kur nisi agresioni rus ndaj Ukrainës ka një vëmendje maksimale ndaj ndërhyrjeve të huaja të dëmshme në shërbimin elektronik të vendit./VOA

The post AKEP mbyll 155 faqe ruse në internet për dezinformim, 8 i përkasin grupeve të hakerimit appeared first on 5 Pyetjet.