Indrit Shaqja Archives - 5 Pyetjet

Vrau të dënuarin përjetë! Sokol Mjacaj kundërshton izolimin brenda “41 biss”

Dyli — Tue, 09 Jan 2024 12:15:46 +0000

I dënuari me burg përjetë Sokol Mjacaj që ekzekutoi brenda burgut të sigurisë së lartë të Peqinit Arben Lleshin dhe plagosi Indrit Shaqjan, ankimon në Gjykatën e Posaçme futjen e tij në regjimin “41 biss”.

GJKKO ka hedhur shortin ku gjyqtar i çështjes është caktuar Erion Bani. Mjacaj vetëm pak minuta pasi mësoi lajmin se ministri i Drejtësisë kishte vendosur futjen e tij në “41 biss”, kreu vrasjen, dyshohet përkundrejt pagesës.

Pas ngjarjes gjykata e Elbasanit i komunikoi tjetër masë arresti në burg Mjacajt, të dënuar përjetë për vrasjen e dy turistëve çek në 2015 në Prekal të Malësisë së Madhe.

Gjithashtu Prokuroria e Elbasanit ka ngritur akuzë për të dënuarin e dytë me dyshimet se është përfshirë në vrasjen e Arben Lleshit pas Sokol Mjacajt.

Ka dyshime që Indrit Shaqja që mbeti i plagosur edhe vetë nga të shtënat me armë zjarri të ketë qenë përfshirë në planin e Mjacajt.

Përveç këtij të fundit, kërkesë për daljen nga “41 biss” ka bërë edhe Ilir Kupa, i dënuar për 25 vite burg për veprat penale të grabitjes me armë në kuadër të grupit të strukturuar kriminal, pjesë së bandës së “Babagjyshëve” të cilët grabisnin argjendari

. Gjyqtari i shortuar që do shqyrtojë kërkesën e Kupës është Erion Çela

The post Vrau të dënuarin përjetë! Sokol Mjacaj kundërshton izolimin brenda “41 biss” appeared first on 5 Pyetjet.

Iu gjet celular në qeli, arrestohet shoku i qelisë së viktimës në burgun e Peqinit

Dyli — Wed, 20 Dec 2023 10:01:32 +0000

Shërbimi i Kontrollit të Brendshëm i Burgjeve i ka gjetur një telefon në qeli Indrit Shaqjes, shokut të qelisë së Arben Lleshit, që mbeti i vrarë disa ditë më parë brenda burgut të Peqinit. Shaqja e kishte fshehur celularin në një arkë druri. Gjatë marrjes në pyetje ai ka pranuar pronësinë e celularit. Pas kërkesës së prokurorisë, arrestohet Indrit Shaqja, i cili u plagos në ngjarjen e rëndë që ndodhi të premten në burgun e Peqinit.

“Në vijim të ngjarjes së datës 15.12.2023, nga Shërbimin i Kontrollit të Brendshëm në Sistemin e Burgjeve, më datë 19.12.2023, ora 21:00, u bë arrestimi në flagrancë i shtetasit, të dënuarit Indrit Shaqja, akomoduar në IEVP Peqin, për veprën penale “Futja dhe mbajtja e sendeve të ndaluara në Institucionet e Ekzekutimeve të Vendimeve Penale” parashikuar nga neni 324/a/2 të Kodit Penal.

Kjo pasi, nga kontrolli i ushtruar në dhomën e akomodimit në IEVP Peqin ju gjet 1 (një) aparat celularë i kamufluar në arkën e sendeve ushqimore i cili u sekuestrua. Gjithashtu u gjet dhe 1 (një) predhë e cila ishte nga ngjarja e vrasjes së viktimës A.LL.

Materialet procedurale i kaluan Prokurorisë së Shkallës së Parë të Juridiksionit të Përgjithshëm Elbasan dhe po vijojnë hetimet me intensitet për të gjithë personat e përfshirë, deri në zbardhjen e plotë të ngjarjes së datës 15.12.2023” thuhet në njoftim.

Vrasja e paralajmëruar në burg/ Letra që “zhveshi” shtetin: Skaneri dhe kamerat nuk punojnë

The post Iu gjet celular në qeli, arrestohet shoku i qelisë së viktimës në burgun e Peqinit appeared first on 5 Pyetjet.

Dinamika e vrasjes brenda burgut/ Eksperti te “5Pyetjet.al”: Lidhja, misteri dhe korrieri

Dyli — Sat, 16 Dec 2023 17:01:44 +0000

Zbardhen detaje të reja nga ngjarja e ndodhur një ditë më parë në burgun e Peqinit ku një i burgosur përjetë i mori jetën një tjetri dhe la një të plagosur. Prokuroria e Elbasanit njoftoi se ngjarja ka ndodhur rreth orës 13:52 në ambientet e regjimit të brendshëm të burgut ku Sokol Mjacaj, i dënuar me burgim të përjetshëm, ka hapur zjarr në drejtim të të dënuarit Arben Lleshi dhe Indrit Shaqja.

Për pasojë, i vdekur në vend mbeti Lleshi dhe i plagosur Shaqja. Më pas, Mjacaj ka kërcënuar me armë zjarri në dorë punonjësit e shërbimit dhe më pas është izoluar me armë në dorë në ambientet e takimeve me familjarët në këtë burg. Në cilësinë e provës materiale janë sekuestruara një armë zjarri, 5 gëzhoja, si dhe dy predha të dëmtuara.

Zinxhiri komandues u shkarkua. Por si arriti që Mjacaj të fuste armën brenda burgut? Për pistat, skenarin dhe misterin biseduam me ekspertin e sigurisë Fatjon Softa në një lidhje me “Skype” për “5Pyetjet.al”. Më poshtë intervista me zotin Softa që jep detaje të reja dhe pistat e mundshme.

The post Dinamika e vrasjes brenda burgut/ Eksperti te “5Pyetjet.al”: Lidhja, misteri dhe korrieri appeared first on 5 Pyetjet.

Eksperti i Sigurisë: Shaqjan e kam pasur shokë shkolle, ngjarje e rëndë

Dyli — Fri, 15 Dec 2023 20:44:08 +0000

Eksperti i sigurisë, Ilir Kulla ka komentuar në emisionin “Zonë e Lirë”, ngjarjen e ndodhur këtë të premte në burgun e Peqinit, ku i dënuari Sokol Mjacaj vrau në qeli Arben Lleshin dhe plagosi Indrit Shaqjan. Ai ka zbuluar se këtë të fundit e ka pasur shokë në shkollën fillore.

Sipas Kullës, kjo ngjarje e rëndë është si në filmat e Netflix.

“Ka ndodhur sot pasdite. Ata kanë qene të dënuar njëri me 32 vjet dhe të tjerët të dënuar me burgim të përjetshëm. Nuk ka pasur asnjë plagosje të policisë. Sokol Mjacaj ka marrë pistoletën dhe ka vrarë me tre plumba një të burgosur tjetër, që ka qene i dënuar me 32 vjet, pasi ka bërë një vrasje në Londër. E ka vrarë me tre plumba në burgun e Peqinit. Është plagosur dhe një djalë nga Shijaku, Indrit Shaqja ka qene shokë i shkollës sime fillore. Ky është burgosur për një grabitje në Durrës. Kjo është një ngjarje e rëndë. Flitet për hakmarrje dhe ka 6 të vrarë mes dy fiseve. Është si në filmat e Netflix”, u shpreh eksperti i sigurisë.

The post Eksperti i Sigurisë: Shaqjan e kam pasur shokë shkolle, ngjarje e rëndë appeared first on 5 Pyetjet.

U plagos me armë në burg, Indrit Shaqja dërgohet në spitalin e Traumës

Dyli — Fri, 15 Dec 2023 16:20:17 +0000

Indrit Shaqja, i cili u plagos sot në burgun e Peqinit pas të shtënave me armë zjarri nga Sokol Mjacaj është dërguar me urgjencë drejt spitalit të Traumës me masa të rrepta sigurie.

Fillimisht Shaqja u transportua në spitalin e Peqinit por për shkak të nevojës për një trajtim më të specializuar për shkak të plagëve që ka marrë, është transportuar drejt Tiranës ku do të marrë ndihmën mjekësore në spitalin e Traumës

The post U plagos me armë në burg, Indrit Shaqja dërgohet në spitalin e Traumës appeared first on 5 Pyetjet.