Me anë të një deklarate për mediat, deputeti demokrat, Ivi Kaso, ka folur për çështjet e vendimeve, duke thënë se vetëm Berisha i plotësonte të gjitha kushtet e përcaktuara nga Komisioni për Vlerësimin e Kandidatëve brenda PD (KOKOE).

Deklarata e plotë

Kryesia u njoh me tre kandidatura dhe aplikime të cilat u konsideruan zyrtare nga komisioni, nga KOKOE, të cilat plotësonin kushtin themelor, atë të paraqitjes nga anëtarë të Partisë Demokratike, siç ishte kandidatura e paraqitur në datën 18 mars nga kryetari i Partisë Demokratike, profesor doktor Sali Berisha, si dhe kandidaturat e paraqitura në datën 30 prill, data në të cilën përfundonte afati i paraqitjes së kandidaturave, nga zonja Mereme Sela dhe nga zoti Vladimir Mulaj. Kandidatura e kryetarit të Partisë Demokratike, profesor doktor Sali Berishës, plotësonte të gjitha kriteret e përcaktuara në vendimmarrjen e datës 18.03.2026 i KOKOE-s, pra të komisionit të organizimit dhe të kontrollit të operacioneve elektorale, që kishin të bënin me atë të qenies në radhë të parë anëtar i Partisë Demokratike. Më pas eksperiencën drejtuese në nivel kombëtar dhe rajonal në betejat politike të Partisë Demokratike, për kauzat qytetare dhe politike, si dhe kriteret e zgjedhshmërisë sipas ligjit 138/2015, pra të integritetit të personave që zgjidhen, që emërohen në funksione publike. Theksoj se të gjitha këto kritere që i përkasin garës së datës 23 maj, janë të njëjtat kritere të cilat po ky komision, KOKOE dhe Partia Demokratike ka aplikuar edhe në garën për kryetar të Partisë Demokratike të vitit 2022, ku zoti Berisha garoi përballë një kandidati tjetër. Pra nuk ka asnjë kriter shtesë në raport me kriteret e katër viteve më përpara.

Komisioni një zëri vlerësoi se zoti Berisha i plotësonte të treja këto kritere, ndërkohë që dy kandidatët e tjerë, pavarësisht se plotësonin kushtin e të qenit anëtarë të Partisë Demokratike, si zonja Sela dhe zoti Mulaj, nuk plotësonin kriteret e tjera përsa i përket eksperiencës së tyre drejtuese në strukturat qëndrore dhe vendore të Partisë Demokratike për një periudhë 10 vjeçare dhe për këtë arsye u konsideruan të papërshtatshme nga KOKOE-ja dhe u konsideruan gjithashtu të papërshtatshme dhe nga kryesia e Partisë Demokratike për të garuar. Sikundër, kryesia u njoh me arsyetimin e KOKOE-së përsa i përket disa kërkesave të tjera të paraqitura, të cilat nëpër deklarata të tjera publike nga individë të ndryshëm janë konsideruar si aplikime të vlefshme për garën për kryetar të Partisë Demokratike.

Këto kërkesa, në radhë të parë, KOKOE vlerësoi dhe kryesia e Partisë Demokratike një zëri miratoi këtë vlerësim të KOKOE-s se janë paraqitur nga persona të cilët nuk plotësojnë kushtin themelor atë të anëtarësisë së Partisë Demokratike, i cili sipas nenit 10, sipas nenit 19 të statutit të Partisë Demokratike është rekuiziti thelbësor për hyrjen në garën për kryetar të Partisë Demokratike. Përsa i përket kandidaturës së ish-deputetit Salianji, i cili ishte një nga kandidaturat të cilat mediatikisht është promovuar si kandidaturë ose aplikim i vlefshëm në garën për kryetar të Partisë Demokratike. KOKOE vlerësoi se ky kandidat nuk plotëson kushtin thelbësor atë të qenies anëtar i Partisë Demokratike, pasi me veprimet e tij dhe me aktet e veta politike është në shkelje të kodit të etikës së Partisë Demokratike, nenit 10 të tij, si dhe të nenit 24 të statutit të Partisë Demokratike, përsa i përket lidhjeve të papërshtatshme me eksponentë të krimit të organizuar, çka e bëjnë automatikisht jo anëtar të Partisë Demokratike.

E njëjta gjë vlen, i njëjti arsyetim edhe për kandidatë të tjerë të cilët ndonëse mund të quhen ose vetëquhen themelues ose rithemelues të Partisë Demokratike, në momentin që njëra prej tyre në vitin, mos gaboj, datën 18 qershor 2024 ka krijuar një formacion të ri politik, konkurrent me Partinë Demokratike në garën elektorale të vitit 2025, automatikisht sipas nenit 19 të statutit të Partisë Demokratike, kjo pasjell mosqënien anëtare të Partisë Demokratike. Në këtë mënyrë, kryesia e Partisë Demokratike në mbledhjen e sotme u njoh dhe me këto kërkesa dhe me këto pretendime të disa personave që pretendonin se kishin bërë aplikime të vlefshme, miratoi një zëri këtë qëndrim të KOKOE-s dhe me unanimitet të gjithë anëtarët e kryesisë së Partisë Demokratike vendosën që të miratonin vendimin numër 120, datë 1.5.2026 të Komisionit të organizimit dhe të kontrollit të operacioneve elektorale të Partisë Demokratike, duke miratuar kandidaturën e zotit Sali Berisha si kandidat për kryetar të Partisë Demokratike të Shqipërisë në zgjedhjet e datës 23.5.2026. Kjo ishte në thelb pika e tretë në të cilën mori kohë dhe interes mbledhja e kryesisë së Partisë Demokratike…

The post Kryesia e PD: Berisha i vetmi në garën për kryetar! Kaso: I plotësonte të gjitha kriteret! appeared first on 5 Pyetjet.

“Shembja e rrugës Librazhd-Prrenjas, një akt i pastër korrupsioni. Halli më i madh i Ministrisë së Invrastrukturës sot është halli i ministres së saj, dhe jo i rrugëve që po bëhen thërrime. Keni 12 vite që vetëm i gënjeni me lugë të zbrazët qytetarët e juglindjes. Dëmet sot po i paguajnë mbi 200 mijë banorë të juglindjes, që po përballen me pasojat. Kamionët devijojnë 40-60 km më shumë, me kosto të rritura në kohë dhe karburantë. Dje ishte rritur bileta e autobusit për në Tiranë, ndërkohë që sot është rritur edhe çmimi i bukës në Korçë”, tha mes të tjerash Kaso./ shqiptarja.com

The post LIVE- Shembja e aksit Librazhd-Prrenjas, Koso: Një akt i pastër korrupsioni appeared first on 5 Pyetjet.

Postimi i Kasos

The post Kaso: Në rrugën e turpit Qukës-Qafë Plloçë, autoritetet duhen të marrin masa appeared first on 5 Pyetjet.

“Pavarësisht se në 16 vite të ndërtimit të saj, kostot u frynë në mbi 260 milionë euro nga 90 që parashikohej maksimalisht, ende kjo rrugë nuk ofron asnjë standart në siguri e në lëvizje

Pas zbardhjes së aferës së tunelit të Llogarasë, kjo rrugë është afera e radhës që kërkon hetim dhe transparencë të menjëhershme”, u shpreh Ivi Kaso.

The post Bllokohet aksi Qukës-Qafë Plloçë, reagon Ivi Kaso: Përgjegjëse është qeveria për 260 mln euro appeared first on 5 Pyetjet.

Deputeti i Partisë Demokratike, Ivi Kaso ka deklaruar se mesazhet e para të Ramës në sallë, brenda tre minutave të hapjes së seancës, paralajmëruan zhvillimet që do pasonin.

Kaso ka hedhur edhe idenë për nisjen e proceduarve për shkarkimin e presidentit Bajram Begaj. Ai e ka cilësuar Begajn si një strumbullar i seancës që u zhvillua dje në Kuvend.

“Seancën e sotme Rama e kishte të paramenduar. Mesazhet e shkurtra të tij në 3 min e para, ishin mesazhe që paralajmëronin çfarë do ndodhte. Pastaj nxori Diellën për provokim. Ishte me skenar e gjitha. Mesazhi ishte i qartë i Ramës: Unë nuk pyes për parlamentin dhe për asnjeri. Kësaj situate sigurisht që duhet t’i përgjigjemi me një reagim, por reagimi nuk duhet të jetë emocional. Një protestë e vogël dhe e organizuar shpejt, një protestë pa fuqi më shumë na dëmton sesa na jep njëfarë avantazhi në raport me atë çfarë presin njerëzit dhe në raport me gravitetin e situatës. Një protestë e vogël do përdorej nga Rama dhe do demoralizonte njerëz. Mirë do ishte që të ndërthureshin një sër gjestesh, edhe gjeste politike siç është kërkesa për përsëritjen e seancës, siç është edhe mocioni i shkarkimit të Peleshit. Një ide tjetër mund të jetë edhe nisja e procedurës për shkarkim e Presidentit, pasi Rama duke përdorur atë ka prishur balancat e pushtetit. Strumbullari i seancës së sotme është Bajram Begaj, me dekretimin që i bëri Diellës, të cilën ia la nën përgjegjësi Ramës. Prandaj ne duhet t’i japim një mesazh atij se nuk do e tolerojmë më. Roli i Presidentit sot nuk është respektim i Kushtetutës, por zgjatim i Kryeministrit. Ta nisim procedurën për shkarkimin e Presidentit, siç e parashikon edhe Kushtetuta, dhe ne i kemi numrat prej 35 deputetësh.”, ka thënë Kaso.

The post Ivi Kaso hedh idenë para PD-së: Të nisim procedurat për shkarkimin e presidentit appeared first on 5 Pyetjet.