Përgjigja ndaj Trump: një valë e paprecedentë solidariteti mes kanadezëve.

Nën moton “Bërrylat lart”, (Elbow up) kanadezët po mbrohen kundër politikave të presidentit të SHBA. Shumë qytetarë anulojnë pushimet në Florida e Arizona. Vetëm në muajin shkurt, në kufi janë regjistruar 500 mijë hyrje më pak në SHBA sesa një vit më parë. Hera e fundit që shifrat ishin kaq të ulëta ishte në kohën e pandemisë Corona. Edhe produktet amerikane bojkotohen. Në supermarkete shënohen dukshëm produktet me etiketën “Made in Canada” dhe hiqet nga raftet verërat kaliforneze.

“Kjo na zgjoi ne kanadezët dhe na bëri të mendojmë se çfarë do të thotë të jesh kanadez”, i tha një qytetare portalit gjerman “tagesschau”. Shumë kanadezë janë tani të shqetësuar për të ardhmen duke vënë re varësinë e madhe nga SHBA. “Ardhja e Donald Trump në detyrë dhe kërcënimi me tarifa ndëshkuese e bëri të qartë se sa e cenueshme është Kanadaja”, thotë një qytetare tjetër për “tagesschau”.

Carney: Nuk ka kthim prapa

Kanadaja dhe SHBA-ja – para rikthimit të presidentit Donald Trump ishin dy vende mike me ekonomi të ndërthurura ngushtë. 70 për qind e të gjitha eksporteve kanadeze shkojnë në SHBA. Po për kryeministrin e ri të Kanadasë Carney, marrëdhënia e dikurshme me SHBA-në i përket historisë. Është bërë e qartë se SHBA-të nuk janë më një partner i besueshëm, tha ai. Por Carney ka theksuar, se do të vazhdojë të flasë me presidentin amerikan Trump. Një telefonatë është planifikuar në ditët në vijim.

Trump ndryshon marrëdhënien mes dy vendeve mike

Politika agresive doganore e presidentit amerikan Donald Trump shihet si një pikë kthese në marrëdhëniet e Kanadasë me SHBA-në. Kërcënimi për vendosjen e tarifave të mëtejshme ndëshkuese ndaj Kanadasë shkakton frikë dhe zemërim. Duket se një epokë po merr fund. “Marrëdhënia e vjetër që kishim me Shtetet e Bashkuara, e cila bazohej në integrimin e thelluar të ekonomive tona dhe bashkëpunimin e ngushtë në sigurinë dhe fushën ushtarake, ka përfunduar,” u tha Carney gazetarëve në Otava. Me deklaratat e tij, Trump ka ndryshuar përgjithmonë marrëdhëniet mes vendeve fqinje.

Në të njëjtën kohë, Carney njoftoi, se nuk do të negociojë me qeverinë amerikane për çështjet tregtare për sa kohë që presidenti nuk tregon “respekt” për Kanadanë. Në javët e fundit, Trump ka kërcënuar vazhdimisht se do të aneksojë vendin fqinj verior dhe është tallur me paraardhësin e Carney, Justin Trudeau si “guvernator” të një “shteti të 51-të” të ardhshëm të SHBA-së. Carney u betua si kreu i qeverisë më 14 mars, por nuk ka folur me Trump që nga marrja e detyrës, kohë jashtëzakonisht e gjatë për dy vendet historikisht të afërta aleate.

Mark Carney e bëri të qartë gjithashtu, se vendi i tij do të përgjigjet me kundërmasa ndaj tarifave të importit për automjetet, të vendosura nga SHBA të mërkurën. “Përgjigja jonë ndaj këtyre tarifave të fundit është të luftojmë, mbrojmë, ndërtojmë”, shtoi ai. Kundërpërgjigja kanadeze do të kishte si synim “ndikimin më të madh të mundshëm në Shtetet e Bashkuara dhe efektin më të vogël të mundshëm në Kanada”./ DW

The post Kanadezët bashkohen kundër Trump appeared first on 5 Pyetjet.

Duke folur nën hijen e trazirave që ka shkaktuar lufta tregtare e Trump në vendin e tij, një Trudeau dukshëm emocionues tha, ndër të tjera, “çdo ditë në këtë zyrë, unë i vendos kanadezët të parët.

Unë u sigurova që të kujdesem për njerëzit, dhe kjo është arsyeja pse unë jam këtu për t’ju thënë se ne po ju mbrojmë. Edhe në ditët e fundit të kësaj qeverie, ne nuk do t’i lëmë kanadezët të zhgënjehen”.

Në të njëjtin ton ishin edhe raportimet për atë që ai u përball.

“Kam kaluar 10 vjet me Donald Trump, një pandemi historike, kriza inflacioni, një luftë në Ukrainë nga Rusia dhe situata dukshëm të vështira në Lindjen e Mesme” renditi kryeministri kanadez.

“Ishin kohë të ndërlikuara. Por unë pranova këtë punë. Dhe do të vazhdoj ta bëj këtë punë deri në momentin e fundit që mund ta bëj”.

Kur gazetarët e pranishëm e pyetën pse ishte emocional, Justin Trudeau thjesht tha: “Ka qenë nderi më i madh i jetës sime t’u shërbeja kanadezëve”.

The post Justin Trudeau “i përkulur” në hijen e luftës tregtare me SHBA: Nuk do t’ju zhgënjej appeared first on 5 Pyetjet.

Trudeau theksoi se nuk kishte asnjë justifikim për këto tarifa dhe e akuzoi SHBA-në se po përpiqej të qetësonte Vladimir Putinin, duke përfshirë Kanadën në një luftë tregtare.

“Shtetet e Bashkuara nisën një luftë tregtare kundër Kanadasë, partnerit dhe aleatit të saj më të ngushtë, mikut të tyre më të ngushtë. Në të njëjtën kohë ata po flasin për të punuar pozitivisht me Rusinë, duke qetësuar Vladimir Putinin: një diktator gënjeshtar, vrasës”, ka thënë Trudeau.

Ai njoftoi se tarifa do të aplikohen menjëherë për mallrat amerikane në vlerë 30 miliardë dollarë, ndërsa për mallrat e mbetura do të zbatohet brenda 21 ditësh.

“Kanadezët janë të arsyeshëm dhe ne jemi të sjellshëm. Por ne nuk do të tërhiqemi nga një luftë. Jo kur vendi ynë, dhe mirëqenia e të gjithëve në të është në rrezik”, është shprehur ai.

The post Trudeau njofton tarifa 25% ndaj produkteve amerikane: SHBA po qetëson Putinin appeared first on 5 Pyetjet.

“Do të flas me kryeministrin Trudeau nesër në mëngjes, do të flas edhe me Meksikën nesër në mëngjes, nuk pres ndonjë gjë shumë dramatike. Ne u vendosëm për të vendosur taksa doganore sepse ata na kanë borxh shumë para, ata me siguri do të paguajnë” tha Trump para shtypit përpara se të nisej nga rezidenca e tij në Mar-a-Lago për në Uashington.

Republikani vazhdoi të kundërshtojë Kanadanë, duke theksuar se fqinji verior i vendit të tij “nuk i lejon bankat tona” të operojnë në tregun e tij , gjë që “nëse e mendon, është e pabesueshme”. Ata janë të ashpër me naftën dhe energjinë. “Nuk lejojnë që prodhimet tona bujqësore të shiten”.

The post Tarifat e reja/ Trump njofton bisedimet me Kanadanë dhe Meksikën: Nuk pres gjë appeared first on 5 Pyetjet.

“Kanadaja dhe Shtetet e Bashkuara kanë partneritetin ekonomik më të suksesshëm në botë. Ne jemi partnerët më të mëdhenj tregtarë të njëri-tjetrit, me një marrëdhënie që krijon miliona vende pune, tërheq miliarda investime në kontinent dhe i mban njerëzit tanë të sigurt”, tha kryeminsitri kanadez.

The post Kryeministri kanadez: Mezi presim të punojmë me Trump appeared first on 5 Pyetjet.