Sipas burimeve të afërta me administratën e tij, ky plan ka për qëllim të forcojë mbrojtjen e zonave strategjike në Ukrainë dhe të sigurojë interesat amerikane, duke ruajtur njëkohësisht armëpushimin me Rusinë.

Një nga detyrat kryesore të kompanive private do të jetë ndihma në ndërtimin e fortifikimeve dhe ruajtjen e strukturave të sigurisë.

Po ashtu, mund të përfshihen masa të tjera sigurie, përfshirë patrullimin ajror dhe misionet detare në Detin e Zi. Burimet thonë se ky plan ende është në shqyrtim dhe mund të përfshijë riarmatosjen dhe trajnimin e forcave ushtarake ukrainase, në bashkëpunim me aleatët evropianë të NATO-s.

Dërgimi i ushtrisë private për qëllime mbrojtëse është parë si një mënyrë për të qetësuar aleatët evropianë, të cilët shpresojnë se administrata e Trump do të angazhohet më shumë për një zgjidhje paqësore të konfliktit. Ky plan mund të jetë një hap i rëndësishëm në përpjekjet për stabilizimin e situatës në Ukrainë dhe ruajtjen e paqes në rajon.

The post Trump po diskuton dërgimin e kompanive private ushtarake në Ukrainë appeared first on 5 Pyetjet.

Me pankarta në duar dhe duke brohoritur “Marrëveshje ilegale” të rinjtë shqiptarë, por edhe të huaj shprehën kundërshtimin e tyre ndaj kampeve të refugjatëve në Gjadër.

Marrëveshja është drejt dështimit pasi e kanë bllokuar gjykatat italiane.

The post Protestë para Kryeministrisë, kundër marrëveshjes për refugjatët appeared first on 5 Pyetjet.

Kampi Beit Lahyia, në pjesën jugore të Gazës, shërben si strehë për 200 familje.

Një prej tyre, familja Salha, qe u shpërngul nga pjesa veriore, pasi një sulm izraelit i shkatërroi shtëpinë.

Warda Almoslami, bashkëshorti i saj Monder, pesë djemtë dhe dy vajzat e tyre, jetojnë tani në një tendë me mbulesa plastike.

Çdo ditë është një sfidë më vete për ta.

“Gjithçka është bërë e vështirë sepse nuk ka ujë, energji apo gjëra të tjera të nevojshme. Gjëja e parë që bëjmë çdo ditë është të sigurojmë ujë të pijshëm. Me atë u laj fëmijëve fytyrën, u kreh flokët. Secili prej nesh ka detyrat e veta të përditshme”, thotë Warda Almoslami, një prej shumë të zhvendosurve në Gazë.

Sot, është detyrë e 13-vjeçares Bana Salha të mbushë ujë.

Bana, e cila së bashku me familjen e saj janë shpërngulur katër herë që kur u shkatërrua shtëpia, thotë se e ka marrë malli t’i kthehet normalitetit.

“Shpresojmë ta rindërtojmë shtëpinë. Duam ta rindërtojmë e të kthehemi në veri. Duam të shohim miqtë, shokët e shkollës, mësuesit e të kthehemi në shkollë”, thotë ajo.

Babai i Banës, Monderi, punonte në ndërtim.

Kjo është hera e katërt që ai ndërton një tendë me mbulesa plastike për familjen e tij, pasi i është dashur të lëvizë vazhdimisht për t’i shpëtuar luftimeve. Por me temperaturat që arrijnë deri në 8 gradë Celsius, Monderi thotë se po bën më të mirën për të ndërtuar një tendë që të mund t’i rezistojë dimrit. Ai thotë se nuk ka para për një strehë më të fortë, pasi nuk mund të gjejë punë.

“Gjetja e punës varet nga marrëdhënia që ke me komunitetin. Ne jemi të huaj këtu, pasi kemi ardhur nga një pjesë tjetër e Gazës dhe me luftën që vazhdon, nuk ka punë”, thotë ai.

Sikurse dhe gratë e tjera në kamp, Warda, e kalon pjesën më të madhe të ditës duke gatuar e pjekur bukë në një furrë prej balte. Disa prej bukëve ajo i shet, duke siguruar një sasi të vogël të ardhurash.

Në fund të ditës, ajo mblidhet me gratë e tjera për të pushuar, por bisedat e tyre siç thotë ajo, dominohen nga lufta dhe dimri i ftohtë që po afron.

“Kudo ka bombardime, në çdo zonë. Nuk ka rëndësi nëse aty ka njerëz apo jo. Ka bombardime në tregje, në shkolla, gjithandej. Tashmë druhemi edhe nga shiu pasi nuk jemi të përgatitur për dimër”, thotë Warda Almoslami.

Përpjekjet e shumta për paqe në Gazë kanë dështuar. Izraeli thotë se lufta do të përfundojë vetëm me shkatërrimin e Hamasit dhe me kthimin e gjithë atyre pengjeve që vazhdojnë të jenë në duart e grupit militant që nga sulmi i 7 tetorit ndaj shtetit hebre, një vit më parë./VOA

The post Gazë/ Jeta mes vuajtjesh në një prej kampeve në jug appeared first on 5 Pyetjet.

Marrëveshja e promovuar nga qeveria e Ramës dhe Melonit dhe e kontestuar ashpër nga opozita shqiptare dhe ajo italiane, parashikon se në territorin shqiptar do të ndërtohen struktura për të akomoduar azilkërkuesit që kanë mbërritur në bregdetin italian ose janë shpëtuar në det.

The post ANSA: Shtyhet hapja e qendrave të emigrantëve në Shqipëri appeared first on 5 Pyetjet.

Dy të tjerat do të vendosen në Gjadër.
Një qendër do t’i kushtohet konstatimit të parakushteve për njohjen e mbrojtjes ndërkombëtare dhe do të jetë në gjendje të akomodojë maksimumi 880 persona, ndërsa struktura e dytë është një qendër paraburgimi për riatdhesim me një kapacitet maksimal prej 144 personash.
Objekti në portin e Shëngjinit do të ketë një klinikë mjekësore të dedikuar për kujdesin shëndetësor, një dhomë për vizitat ambulatore, një dhomë me tre shtretër dhe një dhomë izolimi.
Qeveria italiane është treguar specifike edhe në lidhje me veshjet që do t’u ofrohen refugjatëve.

Parashikohet se atyre do t’u jepen pantallona, një këmishë, një bluzë, një palë pizhame, tre pantallona të shkurtra dhe tre palë çorape. Pritet vetëm një ndryshim mes veshjeve të ofruara për periudhën e dimrit dhe atë të verës.Gjatë periudhës së qëndrimit në Shqipëri, emigrantët nuk do të mund të dalin nga qendrat.

The post Detaje/ Ja si do organizohet qëndrimi i emigrantëve afrikanë në Shqipëri appeared first on 5 Pyetjet.