kapje Archives - 5 Pyetjet

Goditje ndaj trafikut të drogës/ Suedia sekuestron sasi rekord kokaine

Erisilda Meta — Mon, 12 Jan 2026 19:48:38 +0000

Autoritetet suedeze kanë konfiskuar rreth tre ton kokainë në portin e qytetit Helsingborg, duke shënuar sekuestrimin më të madh të drogës në historinë e vendit.

Droga u gjet në një kontejner të ardhur nga Amerika e Jugut, ndërsa deri më tani nuk është raportuar për arrestime.

Ndërkohë, policia spanjolle realizoi po ashtu një operacion të madh, duke kapur në det të hapur një anije me gati 10 ton kokainë të fshehur në një ngarkesë kripe, e nisur nga Brazili drejt Evropës.

The post Goditje ndaj trafikut të drogës/ Suedia sekuestron sasi rekord kokaine appeared first on 5 Pyetjet.

SHBA dyfishon shpërblimin për kapjen e Maduros në 50 milionë dollarë

Erisilda Meta — Fri, 08 Aug 2025 06:41:36 +0000

Shtetet e Bashkuara kanë dyfishuar shpërblimin për informacion që çon në arrestimin e Presidentit të Venezuelës, Nicolas Maduro, duke e çuar në 50 milionë dollarë. Autoritetet amerikane e akuzojnë Maduron si një nga trafikantët më të mëdhenj të drogës në botë.

Presidenti amerikan Donald Trump ka qenë një kritik i ashpër i Maduros, i cili u rizgjodh në një proces zgjedhor të kontestuar ndërkombëtarisht. Prokurorja e Përgjithshme, Pam Bondi, deklaroi se Maduro ka lidhje me organizata kriminale si “Tren de Aragua” dhe “Karteli i Sinaloas”.

Ministri i Jashtëm i Venezuelës, Yvan Gil, reagoi duke e cilësuar shpërblimin si “propagandë politike”.

SHBA ka ngritur më parë akuza ndaj Maduros për narkoterrorizëm dhe bashkëpunim me grupin rebel kolumbian FARC, me qëllim trafikimin e kokainës drejt territorit amerikan.

The post SHBA dyfishon shpërblimin për kapjen e Maduros në 50 milionë dollarë appeared first on 5 Pyetjet.

73-vjeçarja: Tollozhina më kapi prej fyti dhe më ofendoi

Erisilda Meta — Sun, 11 May 2025 12:28:13 +0000

Një tjetër denoncim është bërë ndaj Luan Tollozhinës, 63-vjeçarit i arrestuar pas përplasjes fizike me komisionerin e PS-së, Enton Gega, në Pogradec. Kësaj here, një e moshuar 73-vjeçe ka deklaruar se është dhunuar nga Tollozhina, i cili, sipas saj, e kapi prej fyti dhe e ofendoi rëndë.

“Jam 73-vjeçe, jam ngritur nga shtrati, vajta votova normalisht. As nuk më ofendoi absolutisht asnjeri. Më pas mora burrin dhe e solla këtu, se e kam të shtrirë në krevat. Më ka zënë Luan Tollozhina prej gryke dhe më tha fjalët e fundit, që s’ka bir nëne që t’i thotë. Të më dhunojë dhe të më thotë mua je komuniste dhe rrugaçe në këtë moshë. Unë isha këtu jashtë dhe prisja, ai bën ligjin këtu,” tha e moshuara.

The post 73-vjeçarja: Tollozhina më kapi prej fyti dhe më ofendoi appeared first on 5 Pyetjet.

FNSH aksion në Elbasan, kontrolle të imtësishme për kapjen e personave problematikë

Dyli — Thu, 29 Jun 2023 05:57:09 +0000

Forcat e Ndërhyrjes së Shpejtë kanë zhvilluar një aksion gjatë orëve të vona të natës duke kryer kontrolle në qytetin e Elbasanit.

Mësohet se qëllim i këtyre kontrolleve ka qenë kapja e personave të shpallur në kërkim dhe verifikim personave të tjerë, të cilët dyshuar të përfshirë në aktivitete kriminale.

Ende nuk ka një bilanc në lidhje me këtë aksion.

The post FNSH aksion në Elbasan, kontrolle të imtësishme për kapjen e personave problematikë appeared first on 5 Pyetjet.

Të shtënat me armë zjarri në Shkodër, reagon policia

Dyli — Tue, 28 Mar 2023 20:37:49 +0000

Mbrëmjen e sotme janë regjistruar të shtëna me armë zjarri në Shkodër.

Sipas raportimeve të para, dyshohej se është qëlluar drejt një banese të një efektivi të Policisë, por nuk ka persona të lënduar.

Njoftimi i policisë:

Shkodër/Informacion paraprak

Rreth orës 20:05, në lagjen “Guerrile”, afër livadheve, një shtetas ende i paidentifikuar ka qëlluar me armë zjarri, në ajër.

Shërbimet e Policisë kanë shkuar menjëherë në vendngjarje, kanë ngritur pika kontrolli, si dhe vijon krehja e zonës, për të bërë të mundur kapjen e autorit.

Grupi hetimor vijon punën për zbardhjen e rrethanave të ngjarjes.

The post Të shtënat me armë zjarri në Shkodër, reagon policia appeared first on 5 Pyetjet.