kerkim nderkombetar Archives - 5 Pyetjet

Gjykata shpall në kërkim ndërkombëtar babain, akuzohet për vrasjen e vajzës së tij

Erisilda Meta — Mon, 13 Apr 2026 10:32:56 +0000

Gjykata e Tiranës ka shpallur në kërkim ndërkombëtar Fadi Alwan, 49-vjeçar nga Palestina, i cili akuzohet për vrasjen e vajzës së tij, Rayyan Alwai, 22 vjeç, ngjarje që ndodhi në shkurt të vitit 2025 në Tiranë.

Alwan u arrestua në Liban më 23 prill 2025, por autoritetet libaneze refuzuan kërkesën për ekstradimin e tij në Shqipëri për t’u përballur me akuzat.

Sipas një njoftimi të Ministrisë për Evropën dhe Punët e Jashtme, kërkesa për ekstradim u refuzua më 18 shtator 2025, çka ka çuar në shpalljen e tij në kërkim ndërkombëtar nga autoritetet shqiptare.

Hetimet vazhdojnë për lokalizimin dhe arrestimin e tij.

The post Gjykata shpall në kërkim ndërkombëtar babain, akuzohet për vrasjen e vajzës së tij appeared first on 5 Pyetjet.

Tre shqiptarë dërgohen në Itali pas një operacioni ndërkombëtar të Interpol

Erisilda Meta — Thu, 12 Jun 2025 12:19:27 +0000

Interpol Tirana ka finalizuar ekstradimin drejt Italisë të tre shqiptarëve që ishin në kërkim ndërkombëtar.

E.D., 40 vjeç, i kërkuar për trafikim droge nga Gjykata e Breshias.

E.Zh., 41 vjeç, gjithashtu i kërkuar për trafikim dhe pjesë e një grupi kriminal.

K.N., 33 vjeç, i kërkuar nga Milani për vjedhje në bashkëpunim me organizatë kriminale.

Autoritetet nga Shqipëria dhe Italia thonë se bashkëpunimi ndërkombëtar është kyç për të luftuar krimin dhe për të bërë drejtësi ndaj atyre që bëjnë veprime kriminale.

The post Tre shqiptarë dërgohen në Itali pas një operacioni ndërkombëtar të Interpol appeared first on 5 Pyetjet.

Arrestohet 47-vjeçari i shpallur në kërkim ndërkombëtar

Dyli — Sat, 01 Mar 2025 08:46:34 +0000

Një 47-vjeçar i shpallur në kërkim ndërkombëtar është arrestuar nga policia e Beratit. Shtetasi M. B. akuzohet si pjesëtar i një organizate kriminale që kryente vjedhje me dhunë. Ai u kap gjatë operacionit policor të koduar “Wanted” dhe do të ekstradohet drejt Italisë.

Gjykata e Benevento në Itali, me vendimin e datës 16 korrik 2019, kishte caktuar masën e sigurisë “Arrest në burg” për të.

Ky arrestim është rezultat i bashkëpunimit të autoriteteve shqiptare dhe atyre italiane, ndërsa Interpol Tirana dhe Interpol Roma do të kryejnë procedurat për ekstradimin e tij.

The post Arrestohet 47-vjeçari i shpallur në kërkim ndërkombëtar appeared first on 5 Pyetjet.

Arrestohet 28-vjeçari në Durrës, në kërkim ndërkombëtar për trafik droge

Dyli — Fri, 28 Feb 2025 13:24:26 +0000

Ilirjan Mici, 28 vjeç, është arrestuar në Durrës gjatë operacionit policor të koduar “Ghost”, pas informacionit të siguruar nga inteligjenca policore.

Ai ishte shpallur në kërkim ndërkombëtar nga autoritetet spanjolle, të cilat e akuzojnë si pjesëtar të një organizate kriminale për trafik narkotikësh. Gjykata e Madridit kishte caktuar masën “Arrest në burg” ndaj tij për veprat penale “Organizata kriminale” dhe “Trafikimi i narkotikëve”.

Dënimi maksimal që ai mund të marrë është 26 vjet burgim. Ekstradimi i tij në Spanjë është në proces.

The post Arrestohet 28-vjeçari në Durrës, në kërkim ndërkombëtar për trafik droge appeared first on 5 Pyetjet.

Arrestohet në Hanin e Hotit, 38-vjeçari malazez në kërkim ndërkombëtar

Dyli — Wed, 26 Feb 2025 08:40:30 +0000

Policia ka arrestuar një shtetas malazez, i cili ishte shpallur në kërkim ndërkombëtar. 38-vjeçari, Armano Pepic, u kap në pikën kufitare të Hanit të Hotit teksa po tentonte të kalonte në Shqipëri.

Ky person ishte shpallur në kërkim ndërkombëtar nga autoritetet gjyqësore të Vjenës, Austri, pasi më 8 maj 2024, ishte caktuar masa e sigurisë “Arrest në burg” për akuzat e “Organizatës kriminale” dhe “Vjedhjes në rrethana rënduese”.

Policia Kufitare e Hanit të Hotit, në bashkëpunim me Interpol Tiranën dhe Vjenën, ka realizuar kapjen e tij dhe tani do të kryhen procedurat për ekstradimin e tij në Austri.

The post Arrestohet në Hanin e Hotit, 38-vjeçari malazez në kërkim ndërkombëtar appeared first on 5 Pyetjet.