Presidenti Zelensky e konsideroi më herët situatën në Lysychansk si tepër të vështirë, ku po luftohet intensivisht, por tashmë pas shumë javësh edhe kjo pikë strategjike ra në duart e rusëve.

Gjatë një konference për shtyp me kryeministrin australian, Anthony Albanese, presidenti ukrainas u shpreh se ekziston rreziku që Moska të pushtojë të gjithë Luhanskun. Megjithatë, ai shtoi se situata mund të ndryshojë nga dita në ditë.

Marrja e kontrollit të Lysychansk u konfirmua dhe nga ministri rus i Mbrojtjes, Sergei Shoigu.

The post Ushtria ukrainase tërhiqet dhe nga Lysychansk appeared first on 5 Pyetjet.

Rikujtojmë se presidenca siriane kishte pohuar synimin e saj për të bashkëpunuar me dy republikat e vetëshpallura në shkurt, dhe vendimi u konfirmua  ditën e sotme nga agjencia shtetërore e lajmeve SANA, duke cituar një burim të ministrisë së jashtme.

Republika e vetëshpallur Popullore e Donetskut dhe Republika Popullore e Luhanskut u formuan në prill 2014. Deri më tani, i vetmi shtet anëtar i OKB-së që njohu legjitimitetin e tyre ishte Rusia.

The post Siria njeh zyrtarisht republikat e vetëshpallura të Luhanskut dhe Donetskut appeared first on 5 Pyetjet.

Videoja, e filmuar nga qielli mbi Novotoshkivske, në Luhansk, tregon një grup separatistësh pro-rusë duke avancuar përmes një llogoreje që ndan një fushë djerrë, të shkatërruar nga artileria e rëndë. Pasi rusët qëlluan për vdekje një ushtar ukrainas dhe detyruan pjesën tjetër të tërhiqej, një mbrojtës i vetëm qëndron për t’u përballur me agresorët dhe fillon një betejë e dëshpëruar nga afër.

Mbrojtësi qëllon disa herë me pushkë, duke i detyruar separatistët të tërhiqen për një kohë të shkurtër, por superioriteti numerik i tyre e detyrojnë ukrainasin të struket në një hendek të vogël. Ai vazhdon të luftojë, duke i detyruar trupat pro-ruse të qëndrojnë në llogore. Separatistët tërhiqen dhe fillojnë të hedhin granata në llogore. Njëra prej tyre shpërthen pranë ukrainasit, duke e plagosur në këmbë.

Pavarësisht plagëve, ai vijon të luftojë, duke rrëmbyer një granatë tjetër dhe duke e hedhur në drejtim të rusëve. Por, një tjetër granatë bie pikërisht në këmbët e tij disa sekonda më vonë dhe këtë herë ai nuk është në gjendje t’i shpëtojë shpërthimit. Pasi del një re tymi e zezë dhe e dendur, ukrainasi shihet i shtrirë dhe i palëvizur në baltë.

The post Momentet e fundit të ushtarit ukrainas, përballet i vetëm me rusët appeared first on 5 Pyetjet.

Zëdhënësi i ushtrisë ukrainase Oleksandr Shtupun tha sot se forcat ruse po forcojnë pozicionet e tyre në qytetin e Limanit.

“Në Donetsk, armiku po kryen operacione sulmuese, duke përdorur raketat, artilerinë dhe luftën elektronike. Intensiteti i përdorimit të aviacionit operativ-taktik dhe ushtarak është rritur. Në zonën e Limanit Rusia po përforcon njësitë e saj, duke kryer sulme me avion në përpjekje për të vënë nën kontroll zonën e qytetit. Rusia ka sulmuar me artileri qytetin e Severodonetskut, ku luftimet ende po vazhdojnë”, tha ai.

Moska tha të shtunën se kishte marrë nën kontroll qendrën strategjike hekurudhore në rajonin e Donetskut.

Kievi nuk ka bërë komente në lidhje me këtë pretendim të Rusisë.

Zëdhënësi i ushtrisë ukrainase tha gjithashtu se Rusia kishte nisur një ofensivë të shtunën mbrëma në Bakhmut, në rajonin fqinj të Luhanskut, por forcat ruse ishin zmbrapsur. Ai shtoi se në radhët e ushtrisë ruse ka patur numër të lartë viktimash, duke pretenduar se civilët nuk po pranoheshin më në spitalet e Krimesë të aneksuar nga Rusia, pasi shtretërit e tyre nevojiten për ushtarët e plagosur rusë.

Ndërkohë, një zyrtar rus i mbrojtjes tha të dielën se trupat ruse kishin shkatërruar një depo “të rëndësishme” municioni të forcave ukrainase në qytetin lindor të Krivi Rihit.

Në një konferencë të rregullt për shtyp, zëdhënësi i Ministrisë ruse të Mbrojtjes, Igor Konashenkov tha se raketat ruse kishin goditur një depo “brenda një zone industriale” të qytetit që ndodhet në rajonin lindor të Ukrainës.

Shërbimet ukrainase të urgjencës konfirmuan të dielën se “një fabrikë industriale” në Krivi Rih ishte djegur pasi u godit nga dy raketa ruse, duke pësuar “dëme të konsiderueshme”.

Një zëdhënës i Shërbimit Shtetëror të Emergjencave tha në një konferencë shtypi të dielën se nuk kishte patur viktima, por nuk tha nëse uzina e goditur ishte një objektiv ushtarak. /

The post Ukraina: Rusia po përpiqet të forcojë pozicionet rreth qytetit lindor të Limanit appeared first on 5 Pyetjet.

Sipas raporteve të fundit, forcat ruse fituan kontrollin e Lyman dhe është qyteti i dytë ukrainas këtë javë që është pushtuar.

Imazhet e Maxar tregojnë artilerinë ruse të vendosur, njësitë e blinduara që lëvizin nga veriu dhe lindja e qytetit drejt Lyman-it dhe pasojat e bombardimeve të përhapura të artilerisë që dëmtuan dhjetëra shtëpi dhe ndërtesa.

Në juglindje të qytetit, dëme të mëdha janë të dukshme në të gjithë Popasnën. Njësitë ushtarake ruse mund të shihen të dislokuara në Popasna dhe në të gjithë zonën përreth.

The post FOTO/ Lufta në Ukrainë përmes satelitit appeared first on 5 Pyetjet.