masat kufizuese Archives - 5 Pyetjet

Von Cramon: BE nuk ka më arsye të mbajë masat kufizuese ndaj Kosovë

Dyli — Fri, 26 Apr 2024 19:37:34 +0000

Raportuesja për Kosovën në Parlamentin Evropian, Viola von Cramon, nuk sheh më arsye që Bashkimi Evropian të vazhdojë t’i mbajë në fuqi masat kufizuese ndaj Kosovës.

Kosova, siç thotë ajo, tashmë e ka bërë pjesën e saj të detyrave për ta shtensionuar situatën në veri.

“Arsyeja për masat kufizuese nuk ekziston më. Kosova ka bërë pjesën e saj për të depërshkallëzuar situatën në veri që nga maji 2023. Dhe, për më tepër, masat në fuqi nuk janë proporcionale që nga shtatori i vitit të kaluar nga sulmi në Banjskë.

Parlamenti Europian ka kërkuar qartë dhe me shumicë dërrmuese heqjen e masave dhe unë personalisht e mbështes heqjen e masave menjëherë”, ka thënë Von Cramon për Kallxo.com.

Ajo ka theksuar se topi tash është “në fushën e BE-së”.

“Për sa më përket mua, nuk ka asgjë tjetër për t’u bërë nga pala e Kosovës në këtë drejtim- topi tani është në fushën e BE-së”- është shprehur ajo.

Von Cramon ka konsideruar se “referendumi” i 21 prillit ishte mundësi e mirë për qytetarët serbë që ta rimarrin kontrollin e qeverisjes lokale, mirëpo ata nuk e shfrytëzuan atë.

“Proceset në veri të Kosovës që nga prilli i kaluar kanë qenë shumë të dhimbshme dhe të dëmshme për besimin e ndërsjellë ndërmjet qeverisë dhe komunitetit lokal serb.

Ky referendum ishte mundësia që serbët të rimarrin kontrollin e qeverisjes lokale, por kjo mundësi fatkeqësisht u humb dhe më vjen shumë keq”, ka thënë Von Cramon.

The post Von Cramon: BE nuk ka më arsye të mbajë masat kufizuese ndaj Kosovë appeared first on 5 Pyetjet.

Maqedonia e Veriut pritet të heqë të gjitha kufizimet për Covid-19

Dyli — Fri, 29 Apr 2022 07:48:21 +0000

Shtabi Koordinues për pandeminë në Maqedoninë e Veriut, e më pas edhe qeveria pritet të marrin vendim rreth rekomandimit të Komisionit për Sëmundje ngjitëse për heqjen e të gjitha masave kufizuese për Covid-19.

Në Maqedoninë e Veriut, deri më tani në vend janë kryer gjithsej 2.015.726 testime për Covid-19. Numri i përgjithshëm i personave të diagnostikuar me koronavirus që nga fillimi i pandemisë është 309.434, numri i të shëruarve është 299.653, numri i të vdekurve është 9.278 dhe numri i rasteve aktive është 503.

The post Maqedonia e Veriut pritet të heqë të gjitha kufizimet për Covid-19 appeared first on 5 Pyetjet.

Sllovenia heq kufizimet për COVID-19

Dyli — Mon, 21 Feb 2022 08:42:51 +0000

Sllovenia sot shfuqizoi pothuajse të gjitha masat anti-Covid, përveç mbajtjes së maskave në ambiente të mbyllura. Dëshmia për kalimin e Covid-19, vaksinim apo test negativ do të kërkohen vetëm në institucionet shëndetësore, azilet e pleqve dhe burgje.

Sipas vendimit qeveritar të shtunën, nuk ka më kufizime për numrin e njerëzve në qendrat tregtare, hotele dhe aktivitete. .

Janë shfuqizuar edhe kufizimet në orarin e punës së hoteleve, ndërsa klubet e natës mund të hapën përsëri. Rekomandohet mbajtja e maskës në ambiente të hapura në qoftë se nuk mund të ketë distancë prej 1.5 metra.

The post Sllovenia heq kufizimet për COVID-19 appeared first on 5 Pyetjet.