Avokati i Mohammadi-t, Mostafa Nili, tha se ajo është dënuar për akuzat e “grumbullimit dhe bashkëpunimit për të kryer vepra penale”, ndërkohë që ka marrë edhe një ndalim lëvizjeje jashtë vendit për dy vjet.

Sipas të dhënave zyrtare, ajo gjithashtu u dënua me një vit e gjysmë shtesë burg për “protesta dhe propaganda ndaj sistemit” dhe me dy vjet dëbim në provincën juglindore të Khorasan-it të Jugut, ku edhe duhet të shkojë pas vuajtjes së dënimit bazë.

Narges Mohammadi, e cila fitoi Çmimin Nobel për Paqe për punën e saj të guximshme në mbrojtje të të drejtave të grave, kundër vdekjes me pushkatim dhe për lirinë e shprehjes, ka qenë prej vitesh një kritike e regjimit iranian dhe është burgosur më herët disa herë për aktivitetet e saj pro‑demokracisë.

The post Irani dënon me 6 vite burg fituesen e çmimit Nobel për Paqen appeared first on 5 Pyetjet.

Komiteti Norvegjez i Nobelit zgjodhi fituesin për çmimin më të rëndësishëm të paqes në botë mes 351 kandidatëve, duke përfshirë 259 individë dhe 92 organizata.

Çmimi i Paqes është i vetmi nga çmimet Nobel që jepet në kryeqytetin e Norvegjisë Oslo dhe jo në kryeqytetin e Suedisë, Stokholm.

Javën e kaluar janë shpallur çmimet e Mjekësisë, Fizikës, Kimisë dhe Letërsisë. Çmimi përfundimtar, për ekonominë, do të shpallet të hënën.

Këtë vit, çmimet janë me vlerë 11 milionë krona (990,000 dollarë) në secilën kategori.

The post Aktivistja iraniane fiton Çmimin Nobel për Paqen appeared first on 5 Pyetjet.

Në një mesazh nga burgu famëkeq i Teheranit, Evin, Mohammadi bëri thirrje për unitet, duke iu kërkuar iranianëve të qëndrojnë të bashkuar në “protestat revolucionare” dhe të bëhen simbol i disidencës.

Ajo e cilësoi lëvizjen Gra, Jetë, Liri, e cila u shfaq pas vdekjes së 22-vjeçares, si një dëshmi e qëndresës së protestave dhe vyshkjes së autoritetit “të regjimit teokratik dhe autoritar”.

Amini vdiq derisa po mbahej në paraburgim nga policia “e moralit” për gjoja shkeljen e ligjit të shamisë së kokës.

Demonstratat kundër regjimit islamik për shkak të këtij incidenti u përshkallëzuan shumë shpejt. Lufta brutale e Qeverisë ndaj protestave la qindra të vdekur, përfshirë të paktën 64 adoleshentë dhe 34 gra.

Mohammadi, e cila është burgosur shumë herë në dekadën e fundit për aktivitetet e saj për të drejtat e njeriut, theksoi se kombi po vajton për shkak të “masakrimit dhe ekzekutimit të të rinjve në rrugë dhe në burgje”.

Ajo tha se dhuna kundër qytetarëve ka bërë që regjimi të përballet me “fatkeqësi, neveri dhe frikë për destabilizim”.

“Fitorja përfundimtare është e sigurt,” tha Mohammadi, të cilës iu rrit në 10 vjet e nëntë muaj dënimi me burg, bashkë me një ndëshkim shtesë prej 154 goditjeve me kamxhik.

Mohammadi ka qenë e zëshme në protestat e saj ndaj kushteve të burgut, duke publikuar letra të shumta që tregojnë për gjendjen e burgjeve dhe dhunën kundër të burgosurve, posaçërisht ndaj atyre të burgosur gjatë protestave gjithëkombëtare./REL

The post Aktivistja e burgosur iraniane: Vdekja e Aminit simbolizon dobësinë e regjimit appeared first on 5 Pyetjet.