Rey manaj Archives - 5 Pyetjet

Rey Manaj i jep fitoren Sivassporit, shënon golin e vetëm në ndeshjen ndaj Serik Spor

Erisilda Meta — Sun, 01 Mar 2026 19:10:05 +0000

Rey Manaj ka vazhduar formën e tij të shkëlqyer me Sivassporin, duke i dhënë fitoren 1-0 skuadrës turke në ndeshjen e tij të radhës në Ligën e Parë, ndaj Serik Spor. Sulmuesi i kombëtares shqiptare ishte vendimtar në fillimin e pjesës së dytë, kur pasoi një top perfekt në zonën e Serik Spor dhe e dërgoi në rrjetë, duke realizuar golin e vetëm të takimit. Ky rezultat ka çuar Sivassporin në kuotën e 38 pikëve në renditjen e kampionatit.

Ky ishte goli i katërt i Manajt për Sivassporin në pesë ndeshje të zhvilluara që nga rikthimi i tij te skuadra turke. Ai ka treguar formë të shkëlqyer, duke kontribuar gjithashtu me një asist. Ky ritëm pozitiv i lojtarit 29-vjeçar është një lajm i mirë edhe për Kombëtaren shqiptare, që këtë muaj do të luajë ndaj Polonisë në kuadër të fazës së playoffit për Botërorin 2026.

The post Rey Manaj i jep fitoren Sivassporit, shënon golin e vetëm në ndeshjen ndaj Serik Spor appeared first on 5 Pyetjet.

Rey Manaj zyrtarizohet te Sivasspori në Turqi

Erisilda Meta — Tue, 03 Feb 2026 14:08:45 +0000

Sulmuesi i Kombëtares, Rey Manaj, do e vijojë karrierën në Turqi me klubin e Ligës së Parë, Sivasspor. 28-vjeçari lushnjar u largua nga Sharjah FC në Arabinë Saudite pas disa muajve përvojë, për t’u rikthyer sërish në Turqi, po me Sivasspor.

Klubi turk ka konfirmuar se kontrata e Manajt do jetë për tre vite e gjysmë, ndërsa nëse Sivasspor ngjitet në Superligën turke, paga e Manajt do jetë më e lartë.

I lindur më 24 shkurt 1997 në Lushnje, Rey Manaj e filloi karrierën e tij si futbollist në akademinë e të rinjve të Interit. Gjatë gjithë karrierës së tij, ai ka luajtur për Piacenzan, Cremonesen, Sampdorian, Intern, Pescaran, Pisan, Granadan, Albaceten, Barcelonën B, Barcelonën, Spezian, Watford, Sivasspor dhe Sharjah FC në Emiratet e Bashkuara Arabe.

Rey ka luajtur edhe 44 ndeshje me kombëtaren e Shqipërisë duke shënuar 10 gola, më i rëndësishmi kundër Serbisë në Leskovac edicionin e kaluar.

Manaj është ndër lojtarët e preferuar të tifozëve të Sivasspor, pasi gjatë dy viteve të kaluara aty luajti 63 ndeshje, shënoi 34 gola dhe dhuroi shtatë asistime.

The post Rey Manaj zyrtarizohet te Sivasspori në Turqi appeared first on 5 Pyetjet.

Rey Manaj rikthehet te Sivaspor, i pritur me entuziazëm nga tifozët turq

Erisilda Meta — Sat, 31 Jan 2026 16:51:38 +0000

Rey Manaj është gati për aventurën e tij të dytë te Sivaspor në Turqi. Sulmuesi shqiptar u prit me entuziazëm nga tifozët turq, të cilët ishin në aeroport për ta mirëpritur.

Pas takimit me mbështetësit, Manaj u drejtua për në ambientet e klubit për të firmosur kontratën e tij të re.

28-vjeçari largohet nga Emiratet e Bashkuara Arabe, ku qëndroi për gjashtë muaj, për t’u rikthyer në Ligën e Parë turke.

Manaj ka pasur dy edicione pozitive te Sivaspor, duke fituar zemrat e tifozëve dhe duke u shndërruar në një figurë të dashur për ata.

The post Rey Manaj rikthehet te Sivaspor, i pritur me entuziazëm nga tifozët turq appeared first on 5 Pyetjet.

Manaj mbyll aventurën te Sharjah dhe rikthehet tek klubi i Sivassporit

Nertil Islami — Sat, 31 Jan 2026 06:57:01 +0000

Pas mbylli aventurën te Sharjah, në Emiratet e Bashkuara Arabe, sulmuesi i Shqipërisë Rey Manaj, nuk ka humbur kohë dhe ka zgjedhur destinacionin e ri.

Sipas “cilginlar58”, jo vetëm që 28-vjeçari ka gjetur akordin verbal me Sivasspor, por është planifikuar që ditën e nesërme në orën 17:00 (ora e Turqisë) në aeroportin e Sivas do të mbërrijë sulmuesi kuqez. Tifozët e klubit bardhekuq pritet t’i bëjnë një mirëseardhje speciale shqiptarit. Për bomberin kuqezi, do të jetë një rikthim te Sivasspor, pas një kohë të shkurtër te Sharjah.

Për pjesën e mbetur të këtij sezoni, objektivi kryesor i ekipit në fjalë do të jetë ngjitja në Superligën turke, pasi ndodhen në Ligën e Parë.

The post Manaj mbyll aventurën te Sharjah dhe rikthehet tek klubi i Sivassporit appeared first on 5 Pyetjet.

Shkëlqejnë legjionarët! Manaj, Gripshi, Asani gol, Ajeti asist, Ramadani më i miri

Dyli — Mon, 20 Oct 2025 12:03:42 +0000

Pas rikthimit në ekipet e tyre, legjionarët kuqezi kanë vazhduar me paraqitje të shkëlqyera, duke qenë protagonistë me gola dhe asiste gjatë fundjavës.

Sulmuesi i Kombëtares, Rey Manaj, gjeti sërish rrugën e rrjetës me skuadrën e tij Al Sharjah, duke shënuar golin e dytë në fitoren 2-0 ndaj Al Dhafra. Ky ishte goli i tij i dytë për këtë sezon me fanellën e klubit arab.

Nazmi Gripshi po kalon një formë të jashtëzakonshme me FC Astana. Në fitoren 5-3 ndaj Aktobe, ai realizoi nga pika e bardhë, duke e çuar në 16 numrin e golave sezonal në kampionatin kazak dhe duke kryesuar renditjen e golashënuesve.

Rrugën e rrjetës e gjeti edhe Jasir Asani, i cili i dha fitoren skuadrës së Esteghlal FC ndaj Mes Rafsanjan me një gol vendimtar në minutën e 11-të të takimit.

Në Turqi, Arlind Ajeti ishte protagonist me një asist në barazimin 1-1 të Bodrumspor në transfertë ndaj Erokspor. Qendërmbrojtësi kuqezi shërbeu saktë për Fredy në minutën e 29-të, duke zhbllokuar rezultatin.

Në Itali, Ylber Ramadani u shpall lojtari më i mirë i ndeshjes në takimin mes Lecce dhe Sassuolo, të mbyllur në barazim 0-0. Mesfushori kuqezi shkëlqeu me një performancë shumë të mirë dhe ndikim të madh në mesfushë.

Moment i veçantë edhe për Arbër Hoxhën, i cili e nisi si titullar ndeshjen Dinamo Zagreb – Osijek, ndërsa para takimit mori çmimin si “Lojtari i Muajit” në kampionatin kroat, në vlerësim të paraqitjeve të tij të shkëlqyera dhe kontributit të madh për skuadrën e tij.

Një tjetër lajm pozitiv ishte rikthimi në fushë i Ardian Ismajlit, që ka lënë pas dëmtimin dhe mori disa minuta në fitoren e Torinos ndaj Napolit.

Titullarë këtë javë ishin gjithashtu Thomas Strakosha, Enea Mihaj, Berat Gjimshiti, Medon Berisha, Juljan Shehu, Kristjan Asllani, Qazim Laçi, Adrion Pajaziti, Mirlind Daku dhe Taulant Seferi.

The post Shkëlqejnë legjionarët! Manaj, Gripshi, Asani gol, Ajeti asist, Ramadani më i miri appeared first on 5 Pyetjet.