Marrëveshja, e cila hyn në fuqi menjëherë, do të përfitohet nga mbi 500 mijë qytetarë shqiptarë. Spiropali falenderoi Presidentët e Senatit dhe të Dhomës së Deputetëve të Italisë për mbështetje dhe kujdesin e treguar në këtë proces.

Më poshtë mesazhi i plotë

“Një lajm i bukur nga Italia mike.

Senati Italian miratoi unanimisht Marrëveshjen me Shqipërinë për Pensionet, e cila hyn në fuqi menjëherë dhe prej nga do të përfitojnë mbi 500 mijë qytetarë shqiptarë.

Falenderoj Presidentin e Senatit të Italisë, z. Ignazio La Russa, Presidentin e Dhomës së Deputetëve, z. Lorenzo Fontana, për kujdesin në ndjekjen e ratifikimit të Marrëveshjes mes dy qeverive për pensionet.

Një tjetër dëshmi se bashkëpunimi e partneriteti me Italinë ka në qendër qytetarët!”

Shqipëria dhe Italia arritën më 6 shkurt të vitit 2024 marrëveshjen për njohjen e kontributeve të sigurimeve shoqërore.

Nënshkrimi i marrëveshjes u bë në Romë nga ministri për Evropën dhe Punët e Jashtme, Igli Hasani si dhe ministri i Jashtëm i Italisë, Antonio Tajani.

Finalizimi i kësaj marrëveshjeje ofron për shumë persona një siguri dhe një perspektivë pozitive për të ardhmen, ndërsa palët kishin rreth 15 vite që negocionin për të arritur këtë firmë, që garanton të drejtat e punonjësve shqiptarë në Itali apo të punonjësve italianë në Shqipëri për pensionet.

Janë rreth 550 mijë shtetas shqiptarë dhe rreth 4 mijë shtetas italianë, nga zbatimi i së cilës do të sigurojnë bashkimin e periudhave kontributive, duke bërë të mundur që asnjë vit pune të mos humbasë.

Objekt i kësaj marrëveshje janë përfitimet nga skema shqiptare e detyrueshme e sigurimeve shoqërore që përfshijnë përfitimet për pension pleqërie, pension invaliditeti dhe pension familjar, sigurimin për përfitimin për sëmundjet dhe barrëlindjen dhe sigurimin e papunësisë.

The post Senati italian miraton marrëveshjen për pensionet, Spiropali: Bashkëpunimi ka në qendër qytetarët appeared first on 5 Pyetjet.

“Senati italian miraton marrëveshjen për njohjen e kontributeve të sigurimeve shoqërore me Shqipërinë

Kjo marrëveshje garanton të drejtat për pensionet e shqiptarëve në Itali dhe italianëve në Shqipëri

Asnjë vit pune nuk humbet

Siguri dhe perspektivë e re për thuajse gjysëm milionë shqiptarë dhe 4 mijë italianë

Përfitime për pension pleqërie, invaliditeti, familjar, sëmundjet dhe papunësinë..

IA DOLËM

Grazie Italia, grazie sorella d’Italia” shkruan Rama.

The post Senati miratoi pensionet, Rama: Faleminderit Itali! appeared first on 5 Pyetjet.

Marrëveshja përfshin përfitime për pensionet, përfitimet për sëmundjet, barrëlindjen dhe sigurimin e papunësisë. Ky është një rezultat i një procesi negociatash që ka zgjatur më shumë se 15 vjet dhe do të ofrojë siguri dhe perspektivë për shumë qytetarë, sidomos për ata që kanë punuar në Itali dhe Shqipëri.

Shqipëria ka arritur marrëveshje të ngjashme me shtete të tjera si Turqia, Belgjika, Gjermania, Austria, dhe shumë të tjera, dhe ka në proces marrëveshje me shtete si Polonia, Serbia, dhe Franca. Pritet gjithashtu që të hyjnë në fuqi marrëveshje me Malin e Zi dhe Bullgarinë.

The post Senati italian miraton marrëveshjen për pensionet me Shqipërinë, ja sa përfitojnë appeared first on 5 Pyetjet.

Ai ka takuar fillimisht presidentin e senatit të Italisë, Ignazio la Russa ndërsa më vonë pritet të ketë një takim edhe me Kryeministren Giorgia Melonin.

Rama thotë se në qendër të bisedimeve do të jetë mbledhja e Komitetit të Përbashkët të Investimeve.

“Me Presidentin e Senatit të Republikës së Italisë, Ignazio La Russa, në nisjen e vizitës së nivelit të lartë, ku në qendër do të jetë mbledhja e Komitetit të Përbashkët të Investimeve,” shkruan Rama në Facebook.

The post Rama mbërrin në Romë, takim me Presidentin e Senatit të Italisë appeared first on 5 Pyetjet.