Policia sqaron se 20 vjeçari për një periudhë rreth 2-javore, në një rrjet social hapte profile false dhe, gjatë komunikimit me shtetas të ndryshëm, siguronte prej tyre foto personale.

Njoftimi: 

DVP Tiranë/Finalizohet operacioni policor i koduar “Online Threat”.

Mashtronte shtetas të ndryshëm duke u kërkuar nga 500 deri në 1000 euro, për të mos publikuar në rrjetet sociale fotot e tyre personale, vihet në pranga 20-vjeçari.

Dokumentohen 2 raste të mashtrimit të kryera nga ky shtetas.

Seksioni për Hetimin e Krimeve Kibernetike, në bashkëpunim me Forcën e Posaçme Operacionale të DVP Tiranë, në vijim të punës për goditjen e paligjshmërive në fushën kibernetike, organizuan dhe finalizuan operacionin policor të koduar “Online Threat”.

Si rezultat i operacionit u arrestua shtetasi E. M., 20 vjeç, banues në Tiranë.

Nga veprimet hetimore ka rezultuar se ky shtetas, për një periudhë rreth 2-javore, në një rrjet social hapte profile false dhe, gjatë komunikimit me shtetas të ndryshëm, siguronte prej tyre foto personale. Më pas, nëpërmjet mashtrimit dhe shantazhit, u kërkonte shuma monetare nga 500 deri në 1000 euro, në këmbim të mosbërjes publike të fotove personale.

Konkretisht, në datat 05.12.2025 dhe 06.12.2025, ky shtetas, në mënyrë të përsëritur, ka përfituar shumën 750 euro nga një 36-vjeçar.

Materialet procedurale i janë referuar Prokurorisë së Tiranës, për veprime të mëtejshme.

The post Shantazhonte personat në rrejte sociale, arrestohet 20 vjeçari appeared first on 5 Pyetjet.

Në Kukës, një 45-vjeçar akuzohet se ka publikuar pa leje foto të një gruaje nga Durrësi, duke ndërhyrë në mënyrë të padrejtë në jetën e saj private.

Ndërkohë, në Lezhë, një 30-vjeçar dyshohet se ka mashtruar një 36-vjeçar nga Durrësi përmes kanosjes online, duke i marrë një shumë parash.

The post Shantazh në rrjetet sociale, nën hetim dy persona appeared first on 5 Pyetjet.

Ai i kërkonte ish-punëdhënësit shuma të përsëritura parash, nga 2.500 deri në 4.000 euro, çdo 30-40 ditë, duke e kërcënuar me dhunë dhe dëmtim të pajisjeve bujqësore.

Arrestimi u krye në flagrancë gjatë një dorëzimi të kontrolluar prej 1.400 eurosh, i monitoruar nga policia.

I dyshuari u ndalua menjëherë pas marrjes së parave dhe u dërgua në burgun e Ragusës, në pritje të procedurave gjyqësore.

The post Arrestohet në Itali një shqiptar për zhvatje ndaj ish-punëdhënësit appeared first on 5 Pyetjet.

Ajo e quajti marrjen e dëgjesës nga ana e Rektorit në grupin parlamentar të PS si një rast skandaloz dhe një shkelje të ligjit për arsimin e lartë, duke theksuar se ky veprim fyeu pavarësinë e universiteteve nga politika.

Fjala e plotë:

Rasti skandaloz të marrjes së dëgjesës nga ana e Rektorit në Grupin Parlamentar të Partisë Socialiste, e kërkuar apo e urdhëruar nga ana e Grupit të PS, është rasti më i rëndë që i ka ndodhur ndonjëherë këtij Kuvendi, në shkelje të Autonomisë Universitare dhe Rektori është në shkelje jo vetëm të ligjit për arsimin e lartë që sanksionon neutralitetin e universiteteve dhe pavarësinë e universiteteve nga politika.

Por gjithashtu Neni Nr. 70 i Kushtetutës parashikon ndarjen e pushteteve, kurse Kryeministri u kthye në një hetues, gjykatës për të shantazhuar Prokurorinë në mënyrë që ajo mos mbërijë tek Kryeministri dhe ky është një rast i paprecedent i ndodhur në Parlamentin e Shqipërisë

Ndaj Rektori, në qoftë se kishte ndonjë ankesë të shkonte në gjykatë.
Ju duhet të distancoheni nga ky rast flagrant i shkeljes së ligjit.
Këtë po kërkoj, distancim tuajin nga ky rast i paprecedent si Kryetare e Kuvendit dhe mos lejimi i zhvillimit të seancave të dëgjesës skandaloze, të turpshme me Rektorin e Universitetit Bujqësor, por dhe për raste të tjera që ju mund të sillni në një show , duke shfrytëzuar dhe duke përdorur Parlamentin, i cili nuk është i juaji, por është Institucioni më i lartë i vendit si Pushteti Legjislativ i zgjedhur për të përfaqësuar të gjithë qytetarët dhe nuk mund të përdoret Parlamenti nga ju si Ministri më shumë apo si një zyrë e Partisë Socialiste për të bërë dëgjesa dhe show shantazhi ndaj Prokurorisë siç bëri Kryeministri.

The post Dëgjesa e rektorit të UBT, Xhixho: Shkelje e autonomisë, shantazh ndaj SPAK appeared first on 5 Pyetjet.

Komisariati i Policisë Devoll arrestoi 20-vjeçarin I. N. për shpërndarjen e fotove intime të një shtetaseje të mitur në rrjetet sociale. Pas denoncimit të të dëmtuarës, celulari i tij u sekuestrua si provë.

Në Pogradec, një aksident ka ndodhur në unazën e qytetit, ku një këmbësore u plagos, dhe drejtuesja e mjetit, E. Sh., 28 vjeçe, u arrestua për shkelje të rregullave të qarkullimit rrugor. Po ashtu, janë proceduar penalisht dy të tjerë për një aksident të dytë.

Një tjetër rast i dhunës në familje u regjistrua në fshatin Bulgarec, ku O. L., 48 vjeç, dyshohet se ka ushtruar dhunë ndaj bashkëshortes dhe vajzave të tij të mitura, që janë pajisur me urdhër mbrojtjeje. Dy persona të tjerë, V. L. dhe R. L., u proceduan për një konflikt me një 48-vjeçar.

The post Korçë/ Shantazh, aksidente dhe dhunë, 2 të arrestuar dhe 5 nën hetim appeared first on 5 Pyetjet.