Të dhënat e Shoqatës Shqiptare të Bankave treguan se në fund të muajit shtator bankat raportuan 7 445 të punësuar, në rritje me 5% krahasuar me të njëjtën periudhë të një viti më parë.

Shtimi i numrit të punësuarve duket se ka ndikuar në rritjen e shpenzimeve të personelit, por megjithatë efektin më të madh po vazhdon ta japë rritja e pagave.

Sipas të dhënave të INSTAT, për tremujorin II 2025, paga mesatare bruto në sektorin financiar arriti nivelin rekord prej afërsisht 175 mijë lekësh në muaj, në rritje vjetore me 5.3%.

Procesi i konsolidimit të sektorit bankar, deri në vitin 2019, solli përkohësisht edhe një rënie të shpenzimeve të personelit. Por, në vitet pas pandemisë, ky zë i shpenzimeve i është kthyer rritjes me ritme të përshpejtuara dhe ka arritur nivelet më të larta historike.

Sektori bankar dhe financiar është përballur me trysni në rritje nga tregu i punës, sidomos në pozicionet e nivelit të ulët dhe të mesëm, duke i detyruar këto institucione të rishikojnë në rritje pagat.

Rritja e pagave sidoqoftë është mbështetur edhe nga performanca pozitive e sektorit dhe rritja e fitimeve të vitet e fundit. Bankat po vazhdojnë të shfrytëzojnë efektin e rritjes së normave të interesit, por megjithatë ky efekt gradualisht po zbehet dhe rritja e të ardhurave neto nga interesat është frenuar këtë vit.

Këta faktorë kanë sjellë edhe një ulje të fitimit. Fitimi neto i sektorit bankar për 9-mujorin 2025 arriti vlerën e 26.2 miliardë lekëve, në rënie me 6% krahasuar me të njëjtën periudhë të një viti më parë.

Në vitet e fundit, ekonomia shqiptare është përballur me rritje të ndjeshme të kostos së punës, të shkaktuar kryesisht nga tendencat negative demografike, emigracioni i të rinjve dhe konkurrenca nga tregjet e huaja në tërheqjen e forcës së specializuar të punës.

Në raportin e politikës monetare për tremujorin e katërt të vitit, Banka e Shqipërisë vlerëson se presionet e brendshme inflacioniste janë forcuar, në pasqyrim të zgjerimit të aktivitetit ekonomik, kushteve të shtrënguara në tregun e punës, si dhe rritjes së çmimit të qirave. / Monitor

The post Bankat njohin vetëm rritje appeared first on 5 Pyetjet.

The post NASA përballet me largime masive, afro 20% e stafit në pension ose dalje nga puna appeared first on 5 Pyetjet.

Sipas policisë rreth orës 12:00 personeli i kësaj qendre ka gjetur pa shenja jete dhe pa shenja dhune, S. Ll., 18 vjeç, banues në Kavajë, i cili vuante nga probleme të shëndetit mendor.

I riu po sipas policisë në muajin qershor të këtij viti është pranuar për trajtim pranë kësaj qendre me Aftësi të Kufizuara Tiranë duke qenë se vuante nga probleme të shëndetit mendor.

Grupi hetimor po kryen veprimet për sqarimin e plotë të rrethanave të rastit.

The post Stafi gjen të vdekur 18-vjeçarin në Berat appeared first on 5 Pyetjet.

Po ndodh ajo që kishte paralajmëruar vetë ai që e zgjodhi, Edi Rama një vit më parë. Një President ndryshe që nuk i “çanë kokën” duke i kthyer ligjet apo “shitur” dekorata, një profil i ulët publik.

Deri tani Presidenti në media ka qenë kryefjalë vetëm për shkarkimet masive që bëri vitin e kaluar. Operacioni “fshesa” nxori nga selia e kreut të shtetit mbi një 20 të punësuar, mes tyre dhe njerëz që kishin mbi dy dekada në atë institucion.

Por çfarë ndodhi më pas? Kush u punësua? Kush janë njerëzit që këshillojnë Presidentin e Republikës së Shqipërisë? “5Pyetjet.al” bëri një vëzhgim të thjeshtë në faqen e Presidencës.

“Printscreen” i bërë sot faqes së Presidencës

Në momentin që klikon te kategoria e “Kabinetit” dhe kërkon të njihesh me këshilltarët përgjigja që merr është “faqja është në ndërtim”. E njëjta gjë edhe për administratën e institucionit. Fantazmë.

Çudia që ngjall dyshime është fakti që të gjitha kategoritë e tjera, nga dekretet, dekorimet, shtetësia, etj bashkë me fjalimet janë transparente, por kur vjen puna te stafi i tij, njerëzit që ka zgjedhur për ta këshilluar, faqja ka probleme dhe vazhdon që të jetë në ndërtim prej kohësh.

A po i fsheh Presidenti njerëzit e administratës që u ka besuar? Çfarë e pengon që të publikojë emrat, ashtu sikur ka bërë paraardhësi i tij dhe të tjerët?

The post Pse i fsheh Presidenti Begaj këshilltarët? appeared first on 5 Pyetjet.

“Ky spital ofron shumë lehtësi, komoditet. Kemi mundësinë e 3 sallave të reja. Ky është një hap i rëndësishëm që e pozicion këtë qendër ndër më të avancuara. Më në fund ëndrra jonë u bë realitet. Është fjala e fundit e shkencës. Me këto standarde përfitojnë shërbim më të mirë mjekësor nga e gjithë Shqipëria. Kemi ardhur në mjediset e reja të shërbimit reanimacion kardiologji. Secili pacient monitorohet në mënyrë unike. Kushtet kanë ndryshuar. Ky spital krijon kushte optimale për punën tonë si mjek. Unë besoj se është ëndërr e realizuar. Ka ndryshim thelbësor me pavionin që kemi qenë, jemi si nata me ditën.”

Shërbimet e Kardiologji 1 dhe 2  janë transferuar së fundmi në Spitalin Qëndror në QSUT. Kapacitetet e këtyre dy shërbimeve janë 116  shtretër. Për fuqizimin e Kabinetit të Hemodinamikës në Spitalin e ri është instaluar angiografi i tretë (CathLab) një pajisje mjekësore e teknologjisë së lartë.

Aktualisht Shërbimi i Hemodinamikës në QSUT është shërbimi i vetëm në institucionet spitalore publike që trajton urgjencën kardiake 24/7 me një volum prej 5,790 ndërhyrje në vit (pacemaker, angiografi, angioplasikë). Transferimi i shërbimeve drejt spitalit të ri pritet të mbyllet me transferimin e Shërbimit të Urgjencës Polivalente në ditët në vijim.

The post Rama nxjerr pamjet nga Shërbimi i Radiologjisë, stafi mjekësor: Si nata me ditën! appeared first on 5 Pyetjet.