Në një letër drejtuar presidentit të Harvardit, Alan Garber, sekretari i Tregtisë, Howard Lutnick, akuzon institucionin për shkelje të detyrimeve ligjore dhe kontraktuale.

Lutnick njofton nisjen e procesit “march-in” sipas Ligjit federal Bayh-Dole, që i jep qeverisë të drejtën të marrë kontrollin mbi patentat ose të japë licenca për to, nëse institucionet nuk i shfrytëzojnë si duhet.

Ai thekson rëndësinë e përdorimit të pronës intelektuale të krijuar me fonde federale në dobi të qytetarëve amerikanë, duke vlerësuar gjithashtu kontributin shkencor të Harvardit.

The post Administrata Trump nis hetimet ndaj Universitetit Harvard për programet kërkimore dhe patentat appeared first on 5 Pyetjet.

“Me 5200 kontratat tashmë të anuluara, janë shpenzuar dhjetëra miliarda dollarë në mënyra që jo vetëm nuk i kanë shërbyer, por në disa raste edhe kanë dëmtuar, interesat thelbësore kombëtare të Shteteve të Bashkuara”, shkruante Sekretari Rubio.

Rreth 1,000 programet e mbetura, shkruante ai më tej, do të administrohen tashmë nga Departamenti i Shtetit “në mënyrë më efektive” dhe në konsultim me Kongresin.

Pas marrjes zyrtarisht të detyrës më 20 janar Presidenti Donald Trump, urdhëroi menjëherë një pauzë 90-ditore të ndihmës për vendet e huaja duke e futur atë në një proces rishqyrtimi, për të parë nëse programet përputheshin me politikën e tij të jashtme “Amerika e Para”.

The post Administrata Trump mbyll mbi 80% të programeve të USAID-it appeared first on 5 Pyetjet.

‘”Rendin po e përmbys superfuqia që ka krijuar rendin. Rubio tha po shkojmë drejt një botë multi polare. Këtë mund ta thotë Lavrov, por jo superfuqia. Zelensky u çudit nga naiviteti që kjo administratë po përballet me Rusinë. Kjo administratë mendon se Putin do respektojë marrëveshjet. Nëse SHBA kanë një aleancë Rusi-Kinë-Iran-Kore e Veriut. Më shumë ka logjikë të dobësosh Rusinë, se sa ta nxjerrësh Rusinë të fituar nga kjo luftë. Ka shumë mundësi që Putin të bëjë një lojë treshe me SHBA dhe Kinën. Loja e Trump është një lojë naive këtë rast.”

The post “5 Pyetjet”/ Krisafi: Administrata Trump po përdor tezat e Rusisë për një botë multipolare appeared first on 5 Pyetjet.

Mbrëmjen e së enjtes, shoqatat e punonjësve federalë ngritën padi duke kërkuar nga një gjykatë federale që të ndalte mbylljen e kësaj agjencie, duke argumentuar se Presidentit Donald Trump i mungon autoriteti për të mbyllur një agjenci të krijuar me legjislacion të Kongresit.

Dy punonjës aktualë të USAID-it dhe një ish-zyrtar i lartë i USAID-it informuan agjencinë e lajmeve Associated Press për planin e administratës, të paraqitur zyrtarëve të tjerë të lartë të agjencisë të enjten. Ata folën në kushte anonimiteti për shkak të një urdhri të administratës që ndalonte punonjësit e USAID-it të flisnin për këtë me persona jashtë agjencisë.

Plani do të linte më pak se 300 punonjës në punë, nga 8,000 punonjës aktualë dhe kontraktorë. Së bashku me një përqindje ende të paditur të rreth 5,000 punonjësve ndërkombëtarë të punësuar jashtë vendit, punonjësit e mbetur do të drejtonin ato pak programe jetike që administrata thotë se synon t’i vazhdojë për momentin.

Nuk u bë menjëherë e qartë nëse ulja e personelit në vetëm 300 punonjës do të ishte e përhershme, apo e përkohshme, dhe nëse do të lejohej që më shumë punonjës të riktheheshin në punë, pas përfundimit të procesit që administrata e Presidentit Trump thotë se është një rishikim i programeve të ndihmës dhe zhvillimit.

Administrata në fillim të kësaj jave u dha pothuajse të gjithë punonjësve të USAID-it të dërguar jashtë vendit, 30 ditë afat, duke filluar nga e premtja, për t’u kthyer në Shtetet e Bashkuara dhe qeveria do të paguajë shpenzimet e tyre të udhëtimit dhe zhvendosjes. Punonjësit që zgjedhin të qëndrojnë më gjatë, përveç rastit kur u jepet një përjashtim specifik për shkak të vështirësive, mund të duhet t’i mbulojnë vetë shpenzimet e tyre, thuhet në një njoftim të bërë mbrëmjen e së enjtes në faqen e internetit të USAID-it.

Duke folur me gazetarët të hënën në El Salvador, Sekretari i Shtetit Marco Rubio e përshkroi agjencinë si historikisht “të shkëputur” nga Kongresi dhe Shtëpia e Bardhë, edhe pse agjencia, tha ai, supozohet të drejtohet nga Departamenti i Shtetit.

“USAID-i ka një historik që e ka injoruar këtë dhe ka vendosur që është në një farë mënyre një organizatë bamirësie globale e shkëputur nga interesi kombëtar”, tha Sekretari Rubio. “Këta janë dollarë të taksapaguesve dhe ne i detyrohemi popullit amerikan, të garantojmë që çdo dollar që shpenzojmë jashtë vendit, po shpenzohet për diçka që nxit interesin tonë kombëtar”.

Duke folur në Republikën Domenikane të enjten, Sekretari Rubio tha se qeveria amerikane do të vazhdojë të ofrojë ndihma për vendet e tjera.

“Por do të jetë ndihmë ndërkombëtare që ka kuptim dhe që është në përputhje me interesin tonë kombëtar”, u tha ai gazetarëve.

Administrata e Presidentit Trump dhe aleati i tij Elon Musk, i cili drejton Departamentin e Efikasitetit të Qeverisë për shkurtimin e buxhetit, janë përqëndruar më shumë deri më tani tek USAID-i, në një sfidë të paprecedentë për qeverinë federale dhe shumë prej programeve të saj.

Që nga inaugurimi i Presidentit Trump më 20 janar, një ngrirje gjithëpërfshirëse e fondeve ka mbyllur shumicën e programeve të agjencisë në mbarë botën dhe pothuajse të gjithë punonjësve të saj u është dhënë leje e detyrueshme, ose janë larguar nga puna. Zoti Musk dhe Presidenti Trump kanë folur për eliminimin e USAID-it si një agjenci e pavarur dhe kalimin e programeve të mbetura nën Departamentin e Shtetit.

Ligjvënësit demokratë dhe të tjerë, e konsiderojnë këtë një veprim të paligjshëm dhe të bërë pa miratimin e Kongresit.

I njëjti argument u ngrit nga Shoqata Amerikane e Shërbimit të Jashtëm dhe Federata Amerikane e Punonjësve të Qeverisë në padinë e tyre, e cila kërkon nga gjykata federale në Uashington të urdhërojë rihapjen e godinave të USAID-it, rikthimin e punonjësve të saj në punë dhe të fondeve.

Zyrtarët qeveritarë “neglizhuan pasojat katastrofike të veprimeve të tyre, si për sa i përket punonjësve amerikanë, jetës së miliona njerëzve në mbarë botën dhe interesave kombëtare të Shteteve të Bashkuara”, thuhet në padi./VOA

The post Administrata Trump planifikon shkurtimin e drastik të punonjësve të USAID-it appeared first on 5 Pyetjet.