KONTROLLORE Archives - 5 Pyetjet

Albcontrol jep 2 miliardë lekë pa garë për trajnime (Dokumenti)

Dyli — Fri, 16 Jun 2023 16:59:24 +0000

“Albcontrol” që është agjencia që menaxhon dhe kontrollon hapësirën ajrore shqiptare dhe që drejtohet nga Laureta Omeri ka shpallur tenderin e fryrë rreth 2 milionë euro për trajnimin e kontrollorëve të rinj. Nuk janë qindra, por vetëm 30 kontrollorë që do të trajtohen për 12 muaj dhe shteti do të paguajë rreth 2 milionë euro pa llogaritur TVSH-në.

Specifikisht “Albcontrol” vendosi në dispozicion 208 milionë lekë ose 1.87 milionë Euro për tenderin. Në garë mori pjesë vetëm një konkurrent në formën e bashkimit të operatorëve. “A-T-D Albanian Technology Distribut” dhe “Consulting & Management Albania” ofruan 199 800 000 lekë pa TVSH.

Në fund, “Albcontrol” i shpalli fitues pavarësisht se në garë kishte vetëm një konkurrent. Me pak fjalë ishte mungesë totale gare për një shumë kaq të madhe. Duke shtuar edhe faktin që oferta që është dhënë nga kompania fituese është shumë pranë fondit limit.

“Consulting & Management Albania” zotërohet nga Ervis Myftari, ndërsa Albanian Technology Distribution” Nursen Metulin. Në media dhe opinionin publik tenderi që në momentin që u hap u shoqërua me debate dhe akuza në drejtim të “Albcontrol” për shkak se u konsiderua shumë i fryrë në krahasim me vendet e tjera.

The post Albcontrol jep 2 miliardë lekë pa garë për trajnime (Dokumenti) appeared first on 5 Pyetjet.

Kurs dhe dieta! Albcontrol mbi 2 milionë Euro për 30 kontrollorë (Dokumenti)

Dyli — Wed, 10 May 2023 11:00:34 +0000

Ditën e djeshme Albcontrol, Agjencia Nacionale e Trafikut Ajror hapi një tender mjaft të majmë për trajnimet e kontrollorëve të rinj.

“5Pyetjet.al” publikon dokumentet. 208 milionë lekë ose rreth 1.9 mln euro, ndërsa me TVSH kalon mbi 2 milionë Euro. Kaq parashikohet që të kushtojë kursi për formimin profesional të 30 kontrollorëve.

Kandidatët, sipas dokumenteve të tenderit nuk kanë njohur sa i përket aviacionit duke tentuar kështu që të justifikohet shuma e konsiderueshme që është vendosur në dispozicion në tender.

Kandidatët janë përzgjedhur, po sipas dokumenteve nga Testi i Parë Evropian i Përzgjedhjes së Kontrollorit të Trafikut Ajror (FEAST).

Kompanitë e interesuara kanë 1 muaj afat për dorëzimin e ofertave për të përzgjedhur më pas fituesin. Hapja e tenderit për kursin e 30 kontrollorëve të rinj vjen në një kohë kur një tjetër aeroport po ndërtohet në Vlorë.

Tre vite më parë kontrollorët ishin kryefjalë pasi firmosën deklaratën e paaftësisë së përkohshme duke e argumentuar me stresin e vazhdueshëm.

The post Kurs dhe dieta! Albcontrol mbi 2 milionë Euro për 30 kontrollorë (Dokumenti) appeared first on 5 Pyetjet.

Arrestime në doganën e Kapshticës

Dyli — Mon, 25 Jul 2022 11:40:07 +0000

Dy kontrollorë të doganës së Kapshticës janë vënë në pranga.

Kontrollorët Denis Manoku dhe Ardian Prenja kanë shpërdoruar detyrën duke kryer falsifikime kompjuterike.

Nga informacionet paraprake, dyshohet se punonjësit kanë bërë regjistrime fiktive për mjetet me targa të huaja.

Operacioni është ende në vijim, ku pritet të ketë edhe persona të tjerë të përfshirë.

The post Arrestime në doganën e Kapshticës appeared first on 5 Pyetjet.