Janë 334.539 mijë votues në bashkitë, Vlorë, Berat, Cërrik, Mat, Tepelenë që pritet të votojnë nesër që prej orës 07:00 të mëngjesit kur do të hapen edhe qendrat e votimit. Referuar përcaktimit në kodin zgjedhor, kur data e zgjedhjeve caktohet në periudhën zgjedhore nga 15 tetori deri më 15 nëntor, qendrat e votimit mbyllen në orën 18:00. Komisioni Qendror i Zgjedhjeve ka shpërndarë tashmë materialet zgjedhore. Kutitë e votimit janë shpërndarë përgjatë kësaj të shtunë në KZAZ-të e ngritura në bashkitë e vendit.

Në Vlorë numri i qytetarëve do të votojnë në 232 qendra votimi janë 171.895.

Në Tepelenë votojnë 12 mijë e 667 qytetarë në 22 qendra votimi.

Në Mat janë 29 mijë e 92 qytetarë me të drejtë vote, ndërsa qendrat ku do të votojnë janë 47.

Në Cërrik ka 57 qendra votimi, dhe numri i zgjedhësve është 38 mijë e 724.

Në bashkinë e pestë ku ka zgjedhje Berati të drejtën e votës e kanë 82 mijë e 161 zgjedhës, të cilët do të votojnë në 116 qendra votimi.

Në garën për zëvendësimin e 5 kryebashkiakëve të zgjedhur deputetë, apo ministër si në rastin e Andis Sallës së Cërrikut janë 13 kandidatë. Fushata e këtyre zgjedhjeve të pjesshme kaloi pa shumë zhurmë dhe as protagonizëm. Nuk pati mitingje dhe as takime elektorale ku të pranishëm të ishin liderët e partive kryesore.

Ndryshe nga herë të tjera Partia Demokratike nuk kishte kandidatë të regjistruar nën siglën e saj apo ndonjë partie tjetër opozitare, ndonëse de fakto kanë shprehur mbështetjen për disa kandidatë të pavarur në këtë garë.

The post Nesër zgjedhje në 5 bashki, shpërndahet baza materiale nëpër KZAZ appeared first on 5 Pyetjet.

Ndërkohë janë plotësuar vakancat në këshillat bashkiakë të Belshit, Korçës, Divjakës, Maliqit dhe Elbasanit, me kandidatë të propozuar nga PD, koalicioni “Bashkë Fitojmë” dhe PS.

KQZ përcaktoi gjithashtu përbërjen e KZAZ-ve: 3 anëtarë nga PS, 2 nga PD dhe 1 nga Partia e Lirisë. Anëtari i shtatë dhe sekretari do të caktohen sipas rezultatit të shortit: në KZAZ-të me numër tek, anëtari i shtatë do të jetë nga PS dhe sekretari nga PD; në ato me numër çift, anëtari i shtatë nga PD dhe sekretari nga PS. Partitë duhet të dorëzojnë emrat deri më 10 tetor 2025.

The post KQZ cakton monitoruesit dhe përbërjen e KZAZ-ve për zgjedhjet e 9 nëntorit appeared first on 5 Pyetjet.

Arrestohet Rei Nozlli. Një incident i paprecedentë ndodhi ditën e djeshme pranë Komisionit Zonal të Administrimit të Zgjedhjeve (KZAZ) në Kashar.

Policia bën me dije se Rei Nozlli është arrestuar pas konfrontimit fizik me një nga numëruesit në KZAZ numër 30.

Nozlli goditi me grusht sekretarin e KZAZ-së, çka ka sjellë ndërhyrjen e menjëhershme të forcave të rendit.

Dyshohet se sherri ka ndodhur, për vota të kandidatëve preferencialë të PS-së.

“Specialistët për Hetimin e Krimeve të Komisariatit të Policisë Nr. 6:

-arrestuan shtetasin R. N., 26 vjeç, pasi dje, në KZAZ Nr. 30, ka goditur me grushte dhe shkelma shtetasin R. M., me detyrë sekretar i KZAZ”, shkruan policia.

The post Sherri për votën e Rakipit/ Arrestohet vëzhguesi që goditi sekretarin appeared first on 5 Pyetjet.

Në letër Parti Socialiste kërkon që të merren masa për vijimin e rregullt të procesit të numërimit dhe vlerësimit të zarfeve “B”. Gjithashtu kërkon edhe përmbylljen e procesit të numërimit të votave.

Shkresa e PS:

I nderuar Komisioner,

Me shkresën nr. 205, datë 15.05.2025, Partia Socialiste e Shqipërisë i është drejtuar me shkresë

Komisioneve të Administrimit, Numërimit dhe Vlerësimit të Votave nga Jashtë, për tu shprehur me vendim lidhur me kontestimet e bëra nga Grupet e Numërimit të Votave për pothuajse 25% të zarfave “B”, duke mundësuar kështu vazhdimin e procesit të numërimit dhe vlerësimit të votave nga jashtë.

Nisur nga fakti se nga ana tyre nuk u mor asnjë vendim dhe nuk ka filluar ende numërimi, në përcaktim të Udhëzuesit të punës së KANVVJ dhe GNVJ, miratuar me vendimin nr. 33, datë 08.05.2025 të Komisionit Rregullator, rezulton se referuar Kreut II, pika 1 parashikohet se në rast të mungesës së vendimmarrjes nga KANVVJ, vendimi merret nga Komisioneri.

Në këto kushte, kërkojmë nga ana Juaj, në ushtrim të kompetencave të ngarkuara me ligj, marrjen e një vendimi për vijimin e procesit në mënyrë të rregullt dhe vlerësimin e zarfeve “B” të kontestuara deri në këtë fazë nga Grupet e Numërimit dhe përmbylljen e procesit të numërimit.

The post Votat e Greqisë, PS letër KQZ për të nisur numërimin appeared first on 5 Pyetjet.

Menjëherë pas këtij sherri ka reaguar Komisioni Shtetëror i Zgjedhjeve Ilirjan Celibashi ku me anë të një letre ka dhënë urdhër që të përjashtohet të gjithë vëzhguesit të pranishëm në KZAZ.

Sipas vendimit, thuhet që kërkohet revokimi i akreditimit të çdo vëzhguesi.

VIDEO/ Goditi me grushte sekretarin e KZAZ-së në Kashar, shoqërohet në polici autori

The post Sherri në KZAZ-në Kashar, Celibashi largon të gjithë vëzhguesit appeared first on 5 Pyetjet.