Skëder Hita Archives - 5 Pyetjet

Hita porosi policisë në Korçë e Elbasan: Luftë pa kompromis ndaj paligjshmërive!

Nertil Islami — Thu, 30 Apr 2026 18:01:47 +0000

Drejtori i ri i Përgjithshëm i Policisë së Shtetit Skënder Hita, këtë të enjte zhvilloi takime me strukturat e drejtorive vendore të Policisë Korçë dhe Elbasan.

Gjatë takimeve, Hita theksoi së në të dyja qarqet është bërë punë e pamjaftueshme në drejtim të parandalimit dhe goditjes së armëmbajtjes pa leje, shitjes së lëndëve narkotike dhe kapjes së shtetasve në kërkim.

Nga ana tjetër Hita, në përfundim të takimeve u la një porosi strukturave drejtuese të policisë së këtyre dy qarqeve për luftë pa kompromis ndaj paligjshmërive, reagim në kohë reale dhe angazhim maksimal ndaj punës.

The post Hita porosi policisë në Korçë e Elbasan: Luftë pa kompromis ndaj paligjshmërive! appeared first on 5 Pyetjet.

Hita porosit efektivët dhe drejtuesit në Krujë: Punoni për kapjen e të kërkuarve!

Nertil Islami — Wed, 29 Apr 2026 19:03:22 +0000

Drejtori i ri i Përgjithshëm i Policisë së Shtetit, Skënder Hita, këtë të mërkurë së bashku me ministrin e Brendshëm të Shtetit, Besfort Lamallarin kanë inaguruar komisariatin e ri të Krujës.

Sipas bëhet me dije, pas kësaj Hita u ka kërkuar drejtuesve dhe efektivëve të Policisë së Krujës të kryejnë punën me profesionalizëm, me qëllim parandalimin dhe goditjen e kultivimit të bimëve narkotike, identifikimin dhe goditjen e financuesve dhe trafikantëve të kanabisit, si dhe kapjen e personave në kërkim.

Më tej, Hita kërkoi performancë më të mirë nga punonjësit e Policisë, duke theksuar se ambientet e reja ku do të punojnë kërkojnë një performancë tjetër, me qëllim që qytetarët të marrin një shërbim sa më cilësor.

Lamallari dhe Hita inaguruan komisariatin e ri të Krujës

The post Hita porosit efektivët dhe drejtuesit në Krujë: Punoni për kapjen e të kërkuarve! appeared first on 5 Pyetjet.

Hita nga Samiti: Siguria është pasaporta e Policisë për miliona turistë në Shqipëri

Nertil Islami — Wed, 15 Apr 2026 18:35:33 +0000

Drejtori i Përgjithshëm i Policisë së Shtetit, Skënder Hita, gjatë fjalës së tij nga Samiti i IV i Diasporës deklaroi se siguria mbetet “pasaporta” kryesore e policisë për miliona turistë dhe vizitorë që zgjedhin Shqipërinë.

Hita u shpreh se Policia e Shtetit ka hyrë në një fazë të re modernizimi dhe transformimi, me synimin për të qenë një institucion më profesional, transparent dhe i besueshëm për qytetarët, brenda dhe jashtë vendit.

Fjala e plotë e Hitajt

Është një kënaqësi e veçantë të jem sot mes jush, në një takim që na bashkon rreth një vlere të përbashkët, lidhjes së fortë me Shqipërinë.

Policia e Shtetit ka hyrë në një fazë të re modernizimi dhe transformimi, duke synuar të jetë një institucion sa më profesional, transparent dhe i besueshëm për çdo qytetar, brenda dhe jashtë vendit.

Qasja jonë sot është e qartë,

Policia si shërbim, në shërbim të ligjit, qytetarëve, bashkëkombasve tanë të diasporës, por edhe për çdo shtetas të huaj që viziton vendin tonë.

Investimet në teknologji, rritja e kapaciteteve në burime njerëzore dhe bashkëpunimi me partnerët ndërkombëtarë janë shtyllat mbi të cilat po ndërtojmë këtë transformim.

Policia e Shtetit është një nga kontaktet dhe impaktet e para për këdo që hyn në Shqipëri, qoftë turist, investitor apo pjesë e diasporës.

Për këtë arsye, kemi përmirësuar kushtet në pikat e kalimit, i kemi pajisur ato me teknologji bashkëkohore, kemi trajnuar punonjësit e Policisë dhe vijojmë çdo ditë për të përmirësuar më tej impaktin dhe vlerësimin që vizitorët, turistët dhe të gjithë qytetarët që përdorin pikat e kalimit krijojnë për Policinë e Shtetit dhe, rrjedhimisht, edhe për vendin tonë.

Gjithashtu, kemi forcuar policimin në komunitet, duke qenë më pranë qytetarëve dhe më të ndjeshëm ndaj nevojave të tyre, veçanërisht ndaj kategorive më në nevojë.

Siguria për ta nuk është vetëm detyrim ligjor, por edhe përgjegjësi morale.

Një vëmendje e veçantë i është kushtuar sezonit turistik, duke rritur prezencën policore në zonat bregdetare dhe turistike, për të garantuar rend, siguri dhe një eksperiencë pozitive për çdo vizitor.

Shqipëria sot po përjeton flukse të larta turistike dhe kjo kërkon menaxhim profesional, reagim të shpejtë dhe koordinim të plotë institucional.

Në këtë kuadër, Policia e Shtetit ka rritur kapacitetet për menaxhimin e flukseve, qoftë në kufij, në akse rrugore apo në qendrat turistike, si dhe për përballimin me efikasitet të çdo ngjarjeje që mund të cenojë sigurinë publike.

Ndërkohë, Policia e Shtetit, veçanërisht strukturat e Policisë Kufitare, janë angazhuar maksimalisht për parandalimin dhe menaxhimin e flukseve migratore, kryesisht nga shteti grek në drejtim të vendit tonë, me destinacion vendet e Bashkimit Evropian.

Po në këtë drejtim, janë goditur rrjetet e kontrabandimit të emigrantëve të paligjshëm, organizatorët dhe transportuesit, shtetas shqiptarë, por edhe të huaj, pjesë e këtyre rrjeteve.

Kemi bashkëpunuar ngushtësisht me partnerët për të parandaluar trafiqet e paligjshme, përfshirë këtu edhe kalimet e paligjshme të kufirit dhe dhënien e ndihmës kundrejt përfitimit për kalim të paligjshëm të kufirit.

Në këtë kuadër, dua të përmend një nga rastet e suksesshme të bashkëpunimit, atë me Mbretërinë e Bashkuar, ku kemi ulur në mënyrë drastike numrin e personave që tentonin të hynin në mënyrë të paligjshme në Mbretërinë e Bashkuar, si dhe të atyre që tentonin të përdornin Shqipërinë si vend tranzit.

Të nderuar pjesëmarrës,

Siguria mbetet prioriteti ynë absolut.

Një siguri e garantuar jo vetëm për qytetarët që jetojnë në Shqipëri, por edhe për ju, bashkatdhetarët tanë që riktheheni çdo vit, si dhe për të gjithë miqtë që zgjedhin vendin tonë.

Siguria është pasaporta e Policisë së Shtetit për miliona turistë dhe vizitorë.

Me kënaqësi deklaroj se asnjë ngjarje e rëndë kriminale nuk është regjistruar ndaj turistëve.

Përkundrazi, janë evidentuar qindra raste të dhënies së ndihmës për turistët në nevojë, për shkaqe të ndryshme.

Ajo që vlen më shumë në këto raste nuk është vetëm angazhimi i Policisë dhe i institucioneve të tjera, pasi është detyrim i tyre, por edhe përfshirja e qytetarëve, e banorëve të zonave ku turistët kanë kërkuar ndihmë, pasi kanë humbur rrugën apo janë dëmtuar si pasojë e terrenit. Kjo është një tjetër vlerë e shtuar e shqiptarisë.

Së fundi, dua t’ju siguroj se Policia e Shtetit do të vazhdojë të jetë në shërbim, me integritet dhe profesionalizëm, për të ndërtuar një Shqipëri më të sigurt, më të besueshme dhe më mikpritëse.

Ju faleminderit

The post Hita nga Samiti: Siguria është pasaporta e Policisë për miliona turistë në Shqipëri appeared first on 5 Pyetjet.

LIVE- Balliu: Drejtori i ri i Policisë së Shtetit, zar i Ballukut

Nertil Islami — Mon, 30 Mar 2026 15:43:41 +0000

Deputeti demokrat, Klevis Balliu, nga seanca e sotme plenare foli për emërimin të Drejtorit të Përgjithshëm të Policiës së Shtetit, Skënder Hita.

Balliu tha se qeveria sot emëroi në krye të policisë së shtetit zarin e Ballukut.

Klevis Balliu hodhi akuza të rënda edhe ndaj Kryeministrit Edi Rama, duke e cilësuar armik kryesor të Shqipërisë.

Sipas Balliut Rama ka bllokuar integrimin e Shqipërisë në BE, vetëm për të mbrojtur vjedhjet e tij dhe të Belinda Ballukut.

The post LIVE- Balliu: Drejtori i ri i Policisë së Shtetit, zar i Ballukut appeared first on 5 Pyetjet.