Në njoftim thuhet se është arrestuar në flagrancë 57-vjeçari Nikoll Radaçi, i dyshuar si shkaktari i aksidentit të rëndë ku humbën jetën dy fëmijë dhe një tjetër mbeti i plagosur rëndë.

Radaçi dyshohet se ka humbur kontrollin mbi automjetin tip “Mercedes-Benz ML” ndërsa e drejtonte në gjendje të dehur, duke dalë nga rruga dhe duke përplasur tre fëmijë të moshave 8, 9 dhe 12 vjeç.

Si pasojë e aksidentit, kanë humbur jetën Kles Nikolli, 9 vjeç dhe Enea Muçaj, 12 vjeç, ndërsa 8-vjeçari i plagosur ndodhet në gjendje të rëndë në Spitalin e Traumës.

Sipas policisë, pas aksidentit, drejtuesi i automjetit është larguar nga vendngjarja, por është lokalizuar dhe shoqëruar nga patrulla. Testi i alkoolit ka rezultuar pozitiv, duke treguar se ai ishte në gjendje të dehur në momentin e ngjarjes.

Njoftimi i policisë

Informacion përfundimtar për aksidentin rrugor shumë të rëndë të ndodhur më datë 03.05.2026, rreth orës 14:10, në rrugën “Ohri”, lagjja nr. 15, në qytetin e Durrësit.

Oficerët e Policisë Gjyqësore, në përfundim të veprimeve të para hetimore të kryera në vendin e ngjarjes dhe me drejtuesin e automjetit që shkaktoi aksidentin, kanë arrestuar në flagrancë 57-vjeçarin Nikoll Radaçi, banues në lagjen nr. 15, Durrës.

Nga tërësia e veprimeve hetimore rezultoi se Nikoll Radaçi, duke drejtuar automjetin tip “Mercedes-Benz ML”, dyshohet se ka humbur kontrollin mbi drejtimin e mjetit dhe si pasojë automjeti ka dalë nga rruga duke goditur tre fëmijë të moshave 8, 10 dhe 12 vjeç.

Drejtuesi i automjetit, pas aksidentit, është larguar nga vendi i ngjarjes, me pretendimin se kishte frikë nga reagimi i qytetarëve, por është konstatuar nga patrulla e Policisë dhe është shoqëruar në Drejtorinë Vendore të Policisë Durrës.

Nga kryerja e testit të alkoolit rezultoi se Nikoll Radaçi e drejtonte automjetin në gjendje të dehur: testi i parë 0.73 mg/l dhe testi i dytë 0.70 mg/l. Gjithashtu i është marrë edhe kampion gjaku për ekzaminim toksikologjik.

Nga veprimet e para hetimore dyshohet se shkak i aksidentit është humbja e kontrollit mbi automjetin si pasojë e drejtimit në gjendje të dehur.

Gjithashtu, nga verifikimet e historikut të drejtuesit të automjetit rezulton se ai është ndëshkuar më parë për shkelje të rregullave të qarkullimit rrugor, konkretisht për parakalim të gabuar në vitin 2020 dhe për tejkalim të shpejtësisë dy herë, me pezullim të lejes së drejtimit nga 1 muaj në vitin 2022.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprat penale “Shkelja e rregullave të qarkullimit rrugor”, me pasojë vdekjen e dy personave, “Drejtimi i automjetit në mënyrë të parregullt” (në gjendje të dehur) dhe “Largimi nga vendi i aksidentit”.

Policia e Shtetit u shpreh familjarëve të të miturve që humbën jetën ngushëllimet më të ndjera dhe i uron vogëlushit 8-vjeçar shërim sa më të shpejtë.

Gjithashtu, fton qytetarët që të bashkëpunojnë me Policinë për të parandaluar aksidentet rrugore, duke evidentuar dhe ndëshkuar shkelësit e rregullave që sjellin pasoja të rënda për jetën dhe shëndetin e qytetarëve”, njofton policia.

The post Dinamika e plotë/ Policia: Si shoferi i dehur vrau dy fëmijët në Durrës appeared first on 5 Pyetjet.

“Pas operacioneve të kërkimit dhe shpëtimit, u shpëtuan 21 emigrantë pa dokumente, ndërsa u gjetën trupat e pajetë të 18 të tjerëve”, thuhet në një deklaratë.

Java e kaluar, pranë Kretës, 22 emigrantë që kishin nisur nga Libia humbën jetën nga uria dhe etja, pasi qëndruan 6 ditë në det.

The post Tjetër tragjedi në Egje appeared first on 5 Pyetjet.

Viktimat janë: Arti Kola 48 vjeç, bashkëshortja e tij Jonida 42 vjeçe, dhe dy fëmijët e tyre, Hajdar 23 vjeç dhe Xhesika 15 vjeçe.

Vëllai i 48-vjeçarit, i cili shkoi për t’i kontrolluar pasi familjarët nuk po përgjigjeshin, është gjetur në gjendje të rëndë dhe është transportuar me urgjencë drejt spitalit “Cisanello” në Piza, ku ndodhet nën kujdes intensiv.

Në vendngjarje kanë ndërhyrë menjëherë shërbimet e emergjencës, ambulancat dhe zjarrfikësit nga Lucca, të cilët kanë hyrë në banesë për të verifikuar nëse kishte persona të mbijetuar.

Itali/ Familja shqiptare humb jetën nga helmimi me gaz në shtëpi

The post Tragjedi shqiptare! Çifti me dy fëmijët, si u shua familja Kola në Itali appeared first on 5 Pyetjet.

Sipas informacioneve paraprake, një burrë rreth 50 vjeç, i identifikuar si Llogara Xhebro, dyshohet se ka vrarë bashkëshorten e tij, 45-vjeçaren Boçe Xhebro.

Ende nuk dihen shkaqet e kësaj ngjarjeje tragjike, ndërsa policia ka mbërritur në vendin e ngjarjes dhe po punon për zbardhjen e plotë të rrethanave.

The post E rëndë në Vlorë, i moshuari vret bashkëshorten appeared first on 5 Pyetjet.

Një dëshmitar, i shqetësuar për vëllain e tij të vogël, hyri në lokal për të ndihmuar të bllokuarit dhe u përball me skena tronditëse.

Ai u përpoq të ndihmonte të plagosurit, duke u dhënë ujë, rroba dhe madje xhaketën e tij.

Shërbimet e emergjencës mbërritën shpejt dhe morën situatën nën kontroll, por dëshmitari e përjetoi tragjedinë personalisht, pasi ishte vendi ku shkonte pothuajse çdo ditë.

The post Zvicër/ Dëshmitari hyn në flakë për të shpëtuar të tjerët appeared first on 5 Pyetjet.