librazhd-përrenjas Archives - 5 Pyetjet

ARRSH hap tenderin 937 mijë euro për stabilizimin e rrëshqitjeve në aksin Librazhd–Përrenjas

Erisilda Meta — Mon, 09 Mar 2026 13:31:56 +0000

Autoriteti Rrugor Shqiptar (ARRSH) ka parashikuar një tender për ndërhyrje në aksin Librazhd–Përrenjas, pranë urës së Dragostunjës, pas rrëshqitjeve të dheut që dëmtuan rrugën gjatë muajit shkurt.

Sipas planifikimit të prokurimeve, fondi i vënë në dispozicion është 93.7 milionë lekë (rreth 937 mijë euro).

Procedura nuk pritet të zhvillohet me garë të hapur, ndërsa kompania që do të kryejë punimet do të përzgjidhet nga ARRSH. Tenderi pritet të realizohet gjatë këtij muaji.

Rrëshqitjet e dheut në këtë zonë bllokuan qarkullimin për 11 ditë, duke ndërprerë përkohësisht lidhjen me juglindjen e vendit.

Aktualisht, lëvizja e automjeteve kryhet përmes një segmenti provizor rreth 300 metra, ndërsa është planifikuar edhe ndërtimi i një rruge alternative me gjatësi rreth 1.3 kilometra.

The post ARRSH hap tenderin 937 mijë euro për stabilizimin e rrëshqitjeve në aksin Librazhd–Përrenjas appeared first on 5 Pyetjet.

Bllokimi i aksit Librazhd–Përrenjas rrit çmimet e transportit për qytetarët

Erisilda Meta — Wed, 25 Feb 2026 14:21:17 +0000

Ndërprerja e rrugës kryesore Librazhd–Përrenjas ka detyruar mjetet publike të përdorin itinerare dytësore, duke zgjatur ndjeshëm kohën e udhëtimit dhe duke rritur kostot për udhëtarët.

Tashmë ata që lëvizin drejt Tiranës ose Durrësit paguajnë më shumë për biletat dhe përballen me rrugë më të lodhshme dhe të pasigurta.

Situata po ndikon veçanërisht tek ata që udhëtojnë për punë, shërbime apo shëndetin e tyre.

Autoritetet kanë gjetur një zgjidhje për kamionistët e bllokuar në Qafë Thanë, duke mundësuar kalimin e tyre përmes pikës kufitare të Bllatës dhe vijimin e udhëtimit përmes rrugës së Arbrit.

The post Bllokimi i aksit Librazhd–Përrenjas rrit çmimet e transportit për qytetarët appeared first on 5 Pyetjet.

Kreu i ARRSH-së: Ndërtimi i një rruge të re 1.3 km në Librazhd-Përrenjas

Erisilda Meta — Tue, 24 Feb 2026 18:39:46 +0000

Kreu i Autoritetit Rrugor Shqiptar (ARRSH), Ami Kozeli, ka zbuluar planet për ndërtimin e një rruge alternative që do të zgjidhë problemet e krijuara nga bllokimi i aksit Librazhd-Përrenjas.

Ai ka shpjeguar se rruga e re do të ketë një gjatësi minimale prej 1.3 kilometrash dhe do të sigurojë një mundësi të sigurt për qarkullimin e automjeteve, duke ndihmuar në lehtësimin e trafikut në këtë zonë të bllokuar.

Kozeli theksoi se, për momentin, është e vështirë të përcaktohet një afat për përfundimin e punimeve, por siguroi se rruga do të ndërtohet me standarde të larta sigurie dhe cilësie.

“Ky aks do të ketë një gjatësi minimale prej 1.3 kilometra dhe do të sigurojë një mundësi të sigurt për qarkullimin. Ende nuk mund të përcaktohet një afat për përfundimin e punimeve, por rruga do të ndërtohet sipas standardeve më të larta sigurie dhe cilësie,” tha Kreu i ARRSH-së.

Shërbimi Gjeologjik: Reshjet e dendura shkaktuan dëmtimin e rrugës Librazhd-Pogradec

The post Kreu i ARRSH-së: Ndërtimi i një rruge të re 1.3 km në Librazhd-Përrenjas appeared first on 5 Pyetjet.

Balliu akuzon Ramën dhe Ballukun: Rrugët po rrezikojnë jetën e qytetarëve për shkak të korrupsionit

Erisilda Meta — Sun, 01 Feb 2026 20:29:53 +0000

Deputeti i PD-së, Klevis Balliu, ka reaguar për bllokimin e aksit Librazhd-Prrenjas pas rrëshqitjes së gurëve në Kthesat e Dragostunjës, ku trafiku ka qenë i bllokuar për tetë orë.

Në një postim në rrjetet sociale, Balliu ka akuzuar qeverinë për menaxhim të dobët të infrastrukturës, duke theksuar se, pavarësisht investimeve të mëdha, rrugët janë kthyer në rrezik për jetën e qytetarëve.

Postimi i plotë:
Qindra milionë euro taksa për rrugët dhe infrastrukturën, ndërsa realiteti është alarmant. Ja se çfarë po ndodh në aksin Librazhd–Prrenjas në këtë moment.
Çdo rrugë është kthyer në rrezik për jetën e qytetarëve.
Arsyeja është e qartë: vjedhja dhe korrupsioni i Edi Ramës dhe Belinda Ballukut.
Ky pushtet rrezikon jetën e njerëzve për të mbushur xhepat e tij.
Më 10 shkurt, të bashkohemi në protestë kundër narkopushtetit.

The post Balliu akuzon Ramën dhe Ballukun: Rrugët po rrezikojnë jetën e qytetarëve për shkak të korrupsionit appeared first on 5 Pyetjet.

Aksi Librazhd–Prrenjas i bllokuar, qytetarët: Po presim për orë të tëra, askush nuk na ka dhënë informacion

Erisilda Meta — Sun, 01 Feb 2026 15:02:19 +0000

Aksi kombëtar Librazhd–Prrenjas ka mbetur i bllokuar që nga ora 11:00, duke krijuar një situatë të vështirë për mijëra automjete të mbetura në trafik.

Pasagjerët, përfshirë fëmijë dhe të moshuar, po përballen me kushte të ftohta dhe pritje të zgjatur, pa asnjë informacion.

Një qytetare e ndodhur në trafik tha se nuk ka marrë asnjë informacion për shkakun e bllokimit, ndërsa një i moshuar tregoi se kanë pritur më shumë se pesë orë, pa ndihmë dhe pa informacion, ndonëse janë të sëmurë.

Bllokimi ka ndodhur për shkak të një rrëshqitjeje të dheut, dhe punonjësit janë në terren për të pastruar rrugën, por ende nuk ka një kohë të saktë se kur do të hapet aksi.

The post Aksi Librazhd–Prrenjas i bllokuar, qytetarët: Po presim për orë të tëra, askush nuk na ka dhënë informacion appeared first on 5 Pyetjet.