aksidenti Archives - 5 Pyetjet

Aksidenti në Durrës ku humbën dy fëmijë, Hita shkarkon drejtorin e policisë

Erisilda Meta — Wed, 06 May 2026 17:31:55 +0000

Afrim Tafa është shkarkuar nga detyra e drejtorit të Policisë së Durrësit dhe është rikthyer në detyrën e mëparshme si shef sektori pranë Interpolit.

Ky vendim erdhi pas aksidentit të rëndë në zonën e ish-Kënetës, ku humbën jetën dy fëmijë të mitur dhe një i tretë mbeti i plagosur.

Ngjarja ngriti shqetësime të forta mbi reagimin e policisë dhe veprimet e ndërmarra pas denoncimeve të banorëve të zonës.

Fillimisht, Tafa u pezullua së bashku me dy zyrtarë të tjerë, ndërsa autoritetet po vijojnë hetimet për të përcaktuar përgjegjësitë në këtë rast tragjik.

The post Aksidenti në Durrës ku humbën dy fëmijë, Hita shkarkon drejtorin e policisë appeared first on 5 Pyetjet.

Ulsi Manja: Do ndryshojmë ligjet pasi u vranë dy fëmijët në Durrës

Dyli — Tue, 05 May 2026 10:12:46 +0000

Kryetari i Komisionit të Ligjeve Ulsi Manja deklaroi se PS do i drejtohet Kuvendit me propozime për ndryshime në Kodin Rrugor dhe atë Penal pas aksidentit tragjik në Durrës ku u vranë dy fëmijë duke luajtur. Sipas tij, këto ndryshime do të duhet të jenë, për të pasur më shumë siguri në rrugët tona.

“Është jashtë rendit të ditës, por ai aksident tragjik ka zgjuar shumë ndjeshmëri te çdo prind. Ai njeri do marrë ndëshkimin e duhur sipas ligjit. Ngjarja është shumë e rëndë. Unë bashkohem me ngushëllimet për familjen.

Ne si Komision kemi për detyrë që shqetësimin që ka krijuar ngjarja, ta përkthejmë në ndryshime ligjore. Bashkë me disa kolegë të mazhorancës, do i drejtohemi Kuvendit me një paketë ndryshimesh në Kodin Rrugor dhe atë Penal, për situatën në rrugët e vendit.

Nuk do të duhet që të ndodhin ngjarje të tilla që të ashpërsohen masat, por po shikojmë që të adresojmë çështjen në anën ligjore” tha ai.

Kokulur! Del para gjykatës 57-vjeçari që vrau dy fëmijët në Durrës

The post Ulsi Manja: Do ndryshojmë ligjet pasi u vranë dy fëmijët në Durrës appeared first on 5 Pyetjet.

Rama sërish për aksidentin në Durrës: I gjithë vendi është në pikëllim!

Nertil Islami — Sun, 03 May 2026 19:58:56 +0000

Kryeministri Edi Rama, me anë të një postimi në rrjetin e tij x ka reagur sërish për ngjarjen e trishtë të ndodhur këtë të diel në qytetin e Durrësit, kua aksidenti tragjik u mori jetën dy të miturve dhe një i tretë ndodhet në gjendje kritike për jetën në spitalin e Traumës në Tiranë.

Aksidenti u mori jetën 2 të miturve në Durrës/ Rama: Ngjarje e pangushëllueshme!

Postimi i Ramës

Ndersa i gjithe vendi eshte ne pikellim per kete ngjarje dhe drejtesia ben punen e saj me autorin, është detyrë e të gjithëve po veçanërisht e mediave e portaleve, të tregojnë vetëpërmbajtje, ndjeshmëri dhe përgjegjësi. Publikimi apo shpërndarja e pamjeve të rënda nuk informon, por vetëm shton dhimbjen e atyre që po përballen me një humbje të pakthyeshme dhe e hienizon botën e informacionit. Respekti për dinjitetin njerëzor dhe dhimbjen e familjeve duhet të jetë mbi çdo sensacion apo klikim. Le të tregojmë solidaritet, humanizëm dhe njerzillëk në një ditë tragjike si kjo.

The post Rama sërish për aksidentin në Durrës: I gjithë vendi është në pikëllim! appeared first on 5 Pyetjet.

Berisha për aksidentin tragjik të Durrësit: Autori i përkëdhelur nga partia e krimit!

Nertil Islami — Sun, 03 May 2026 19:45:23 +0000

Kreu i PD-së, Sali Berisha me anë të një postimi në facebook ka reaguar për ngjarjen e trishtë të Durrësit, ku një aksidenti tragjik u mori jetën dy të miturve të moshës 8 dhe 13 vjeç, pasi këta të fundit ishin duke luajtur me top në trotuar në zonën e Kënetës.

PD për aksidentin në Durrës: Një ditë e zezë që duhet të na shkundë të gjithëve!

Postimi i Berishës

Një tragjedi e vertetë!

Miq, 58 vjeçari Radaçi iu mori jetën në Durrës me makinë dy djemve, njëri 10 dhe tjetri 13 vjeçar dhe të tretin 8 vjeçar e dëmtoi rëndë dhe si monstër ai ja mbathi. I la në kthetrat e vdekjes. Nuk iu dha asnjë ndihmë. Autori është i njohur si i përkëdhelur i partisë së krimit, problematik për lagjen por imun e i paprekshëm. Fjalët nuk mjaftojnë për të shprehur dhimbjen dhe ngushëllimet më të ndjera familjeve të engjëjve viktima. Unë i lutem Zotit që shpirti i tyre të bëhet dritë dhe prindërit të gjejnë forcën për të përballuar këtë gjëmë të rëndë si dhe uroj shërim të shpejtë vogëlushit në spital. Kurse vrasësit të fëmijëve dhe mbrojtësve të tij ndëshkimin më të rëndë.

The post Berisha për aksidentin tragjik të Durrësit: Autori i përkëdhelur nga partia e krimit! appeared first on 5 Pyetjet.

PD për aksidentin në Durrës: Një ditë e zezë që duhet të na shkundë të gjithëve!

Nertil Islami — Sun, 03 May 2026 19:29:30 +0000

Deputetja e Partisë Demokratike, Ina Zhupa, me anë të një postimi në facebook ka reaguar pas aksidentit tragjik në Durrës, ku humbën jetën dy të miturit dhe një tjetër ndodhet në gjendje të rëndë në spitalin e Traumës.

Postimi i Zhupës

Sot është një ditë e zezë që duhet të na shkundë të gjithëve.
Nuk gjej dot fjalët e duhura për të shprehur ngushëllimet më të thella për familjet që kanë humbur pjesën e shpirtit të tyre, fëmijët e tyre. Lutem me gjithë zemër për shërimin e fëmijës së plagosur.
Ky është rasti për të reflektuar si ligjvënës, nuk mund të vazhdojmë t’i quajmë “aksidente” apo “pakujdesi” raste kur dikush hipën i dehur në timon. Ky është një akt i vetëdijshëm, ku makina kthehet në armë dhe rreziku për jetën e të tjerëve është i qëllimshëm.
Është koha që Kodi Penal të mos i trajtojë më këta persona si shkelës të rregullave të qarkullimit rrugor, por si autorë të krimeve të rënda kundër jetës. Kush drejton mjetin në gjendje të dehur, e bën me dijeni të plotë të pasojave.
Drejtësia duhet të jetë në lartësinë e duhur dhe të japë drejtësi të vërtetë.

The post PD për aksidentin në Durrës: Një ditë e zezë që duhet të na shkundë të gjithëve! appeared first on 5 Pyetjet.