Sektori i Krimit Ekonomik i akuzon në lidhje me zhdukjen e rreth 50 ton lënde të parë “tunxh” nga Kombinati Mekanik i Poliçanit. Drejtori i Kombinatit Mekanik Poliçan, Shefja e Financës, Sekretarja, Dispeçeri dhe dy magazinierët akuzohen se e kanë shitur lëndën e parë, duke përfituar shuma të mëdha lekësh.

Shitja e shpejtë e rreth 50 ton tunxh dyshohet se është kryer nëpërmjet uljes së çmimit real të vlerës së tij. Nga hetimet e kryera nga Inspektorët e Krimit Ekonomik në DVP Berat dyshohet se vjedhja dhe shitja e lëndës së parë të Kombinatit Mekanik në Poliçan është kryer gjatë viteve 2017-2020 dhe paratë e shitjes i kanë përfituar punonjësit e administratës.

E gjithë kjo vjedhje është vënë re pas mbylljes së Kombinatit në 31.12.2020 dhe menjëherë ka nisur edhe hetimi mbi zhdukjen e të gjithë lëndës së parë të Kombinatit, që nga ana e ish/drejtuesve të administratës së tij pretendohet se është vjedhur pa dijeninë e tyre.

Kombinati Mekanik në Poliçan është mbyllur në 31.12.2020 dhe 130 punonjës të tij nuk kanë marrë ende edhe sot pagat e punës së kryer për periudhën 2016-2020,me pretendimin se nuk ka pasur asnjë shitje.

Ata shpeshherë kanë protestuar në dyert e këtij Kombinati dhe prej vitesh janë duke  u dergjur në dyert e Gjykatave për t’i përfituar këto para. Kombinati ka funksionuar me vetëfinancim dhe varej drejtpërdrejt nga Ministria e Mbrojtjes.

The post Tunxhi çon në dyert e drejtësisë ish-drejtorin dhe zyrtarët e uzinës së Poliçanit appeared first on 5 Pyetjet.

Ai tha se uzina e armëve nuk ishte sekrete, pasi e de-deklasifikoi vetë Berisha në 2012. Duke i rrëzuar akuzat për cenim të sigurisë.

Por sipas tij, ka dyshime që tre të arrestuarit mund ta kenë kryer sulmin për të tërhequr vëmendjen nga diçka tjetër dhe për këtë po hetohet.

“Nuk kam pasur mundësi të shprehem edhe pse ministri i Mbrojtjes dhe të Brendshëm bënë të gjitha shpjegimet.

Mjegulla e ngritur mbi të ashtuquajturat objekte të rëndësisë së veçantë ishte për të qarë dhe qeshur. Ato nuk janë objekte të rëndësisë së veçantë.

Ato janë karakatina të de-klasifikuar si objekte të rëndësisë së veçantë në 2012-tën. Dhe kanë statusin e SHPK-ve, që janë të falimentuara dhe që janë deri në pikën që nuk kanë mundësi të paguajnë dritat, u priten edhe dritat.

Rojet janë për të mbrojtur perimetrin nga zaptimet. Të thuash se po bënin spiunazh duke fotografuar mbetje arkeologjike të komunizmit është shumë qesharake.

Ajo që na shqetëson ne është që këta persona çfarë qëllimesh të vërteta kanë në vendin tonë. Një mision spiunazhi që shfaqet me një veturë sportive e cila duket sikur thërret hajde më shihni dhe më kapni se jam e veçantë, është pak si qesharake.

I takon hetimit të nxjerrë më shumë. shqetësimi ynë është ku është qëllimi i vërtetë, përveç krijimit të kësaj mjegulle që i shërbeu nxitjes së një sëkëlldije, jo panik, njerëzit bënë shumë humor me këto kronika.

A jeni në vete apo jo? Nuk ka lidhje me objekte. Kur flitet për sofistikime ekstreme për predha dhe raketa supersonike, të flasësh për cenim të sigurisë së u shfaqen disa personazhe të dyshimtë! Është qesharake.

Këta persona që për fat të mirë u ndaluan nga rojet, janë persona të dyshuar për spiunazh, por cfarë fshihet pas gjithë cfarë shfaqje.

Pyetja është çfarë fshihet pas gjithë këtij spektakli, që u dha me gjithë ndihmën e të gjithë kronikanëve. Krijuat të gjithë këtë zhurmë të madhe” tha ai.

Edhe kryeministri i Luksemburgut, Xavier Bettel ishte i kujdesshëm, kur kërkoi që të flasë drejtësia. “Mesa di ka pasur një vend që kishte armë, spiunë rusë dhe një ukrainas. Ka ndërhyrë drejtësia.

Unë si ish-avokat nuk mund të komentoj njerëz që janë në paraburgim. I takon drejtësisë që të vendosë.

Të gjithë duhet të dimë që mund të bëhet fjalë për shtabilizim edhe në nivelin e informacionit për të kapur vëmendjen e të gjithëve.

Disa kolegë europianë qortojnë ndërhyrjen e Rusisë në vendin e tyre. Na takon ne të tregojmë cfarë është e vërtetë dhe e rreme. Duhet të bëjmë kujdes.

Kur bëhet fjalë për një sulm të informimit. Ne duhet të mbështesim shtypin. Ju duhet ta bëni punën tuaj sa më mirë të jetë e mundur dhe të investigoni lajmet e rreme” tha ai.

The post Spiunët në Gramsh? Rama: Hileja e rusëve, roli i Berishës dhe gallata e madhe appeared first on 5 Pyetjet.

Zorin është një student i kimisë në Rusi dhe djali i një avokati atje. Ai hyri në vendin tonë para 3 javësh nga pika kufitare e Muriqanit me biçikletë sportive. Studenti kishte udhëtuar nga Çekia drejt vendit tonë po me këtë biçikletë.

Më pasi ai është takuar me një tjetër ruse dhe një ukrainas në Durrës, ku dhe kanë ngritur çadrën e kampingut në afërsi të portit. Ajo që ka shtuar dyshimet e autoriteve është fakti se biçikleta është zhdukur.

Po ashtu një tjetër detaji i rëndësishëm është se Zorin ka qenë pjesë e ushtrisë ruse.

The post U rekrutua nga inteligjenca ruse, dalin detajet e reja për studentin e kimisë appeared first on 5 Pyetjet.

Mësohet se shtetasi rus ka rrëfyer se është kontaktuar nga agjentë rusë për të bërë foto të objekteve të rëndësisë të veçantë. Ai thekson se nuk ka më shumë informacione, raporton Top Chennel.

Pritet që tre të arrestuarit që u kapën të shtunën në Gramsh të dalin para gjykatës. Ata po hetohen me akuzën e spiunazhit dhe po mbahen në drejtorinë e policisë së Elbasanit ku janë marrë në pyetje nga prokurorët.

Ndërkohë, gjykata u ka caktuar avokatë, të cilët janë takuar sot me klientët e tyre.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas, Fiodor Mihailoviç, janë arrestuar mbrëmjen e së shtunës pas një incidenti në uzinën ushtarake në Gramsh. Teksa tentuan të futeshin në uzinë ata sulmuan me spray neuro-paralizues dy ushtarët shqiptarë.

Tashmë mbi ta rëndon zyrtarisht akuza e “Dhënia e informatave sekrete”, dhe “Sigurimi i informatave”.

The post Rrëfehet një nga rusët: Isha porositur të bëja foto në Shqipëri appeared first on 5 Pyetjet.

Autoritetet shqiptare i kanë akuzuar për spiunazh, edhe pse dy ministrat Niko Peleshi dhe Bledi Çuçi thanë se uzina e armëve në Gramsh nuk ka asnjë sekret.

Duke folur pas ceremonisë në sheshin “Skëndërbej” ku dy avionë të flotës amerikane fluturuan në qiellin e Tiranës, Yuri Kim tha se SHBA është krah Shqipërisë.

“Jemi shumë të lumtur që jemi këtu, në mes të Tiranës, në mes të Shqipërisë për fluturimin historik të dy avionëve bombardues B52.

Ashtu siç të gjithë e dinë, ata janë avionët më të mëdhenj të ushtrisë amerikane dhe po kryejnë një stërvitje duke fluturuar mbi rajon, përfshirë edhe Shqipërinë, por jo vetëm Shqipërinë.

Po fluturojnë edhe në vende të tjera. Kjo duhet ta bëjë shumë të qartë që për Shtetet e Bashkuara, marrëdhënia jonë në fushën e mbrojtjes, aleanca jonë me Shqipërinë, është jashtëzakonisht e rëndësishme. Ne qëndrojmë gjithmonë krah aleates sonë të NATO-s. Tani, më pas, gjithmonë!

Nuk duhet të ketë asnjë dyshim për këtë! Dhe jam shumë e kënaqur që jam këtu me Shefin e Shtabit tuaj.

E di që ka pasur disa incidente kohët e fundit, por ne jemi me ju deri në fund. Dhe presim të shohim përfundimet e hetimit dhe vënien përpara drejtësisë të atyre që janë përgjegjës” tha ajo.

Dy ushtarët shqiptarë Albi Bici dhe Ardian Xhaka pas mjekimit në spital dolën në gjendje të mirë, pasi kishin vetëm pak skuqje dhe irritim të fytyrës nga spraji neuroparalizues.

Svetlana Timofoeva, Fiodor Mihailoviç dhe Mikhail Zorin që u përlesh me ushtarët shqiptarë janë në burg.

The post Spiunët në Gramsh? SHBA: Rusët vendosini para drejtësisë appeared first on 5 Pyetjet.