Dusan Vlahovic është një hap larg Juventusit. Sulmuesi i Fiorentinës ka gjetur marrëveshjen me bardhezinjtë për pagën, ndërsa mësohet se edhe dy klubet kanë rënë dakord për shifrën e transferimit.
Sipas mediave italiane, bëhet fjalë për 65 milionë euro plus 10 milionë euro bonus, ndërkohë që serbi do të përfitojë 7 milionë euro në sezon, deri në vitin 2026.
Tashmë, pritet vetëm zyrtarizimi i kalimit të Vlahovic në Torino, që mund të ndodhë në ditët në vijim.
Ndërkohë, tifozët nuk ia kanë falur këtë “tradhti” lojtarit më të mirë të skuadrës, duke vendosur banderola kërcënuese kundër tij.
